首位香港藝人奪健美冠軍 郭子豪感謝教練：女友曾懷疑我哋嘅關係
撰文：賴家杰
出版：更新：
郭子豪周六（25日）在九龍灣出戰「PCA PRO及香港健美及運動體適能錦標賽2018」，用了九個月時間操弗的他，最終在台上撼贏所有對手奪得第一名。郭子豪接受《香港01》訪問時坦言正式比賽前發生不少小插曲：「我傷咗隻手，縫咗20針，我以為參加唔到，但最後繼續去鍛煉，保持到身形，其實狀態比起我想像中差少少，唯有頂硬上啦，不過𠵱家都有好成績。」
郭子豪花費九個月時間參加健美比賽，最終得到冠軍。（黃國立攝）
獲得冠軍時心情如何？子豪直言：「喺頒獎嗰一刻已經喊出嚟，落到台見到教練已經喊到癲，其實係開心嘅眼淚，真係要多謝好多人，當然最重要屋企人、女朋友及教練。」他坦言訓練過程中有很多事情面對，幸而教練在旁輔導他：「其實佢除咗做我教練，佢亦做咗我心理輔導員、做我阿爸及營養師，點解咁講呢？因為中途情緒好波動，有時候好開心，有時候又好唔開心，試過瘦身期間冇乜營養會令到情緒好低落，令到我嗰個時候喺屋企冇岀過街幾日，最後係教練叫醒我。」又笑指自己不可以再說下去，因為女朋友曾懷疑他與教練有不可告人的關係。
子豪辛苦過後此刻最想瘋狂吃一頓美食，他說會去大牌檔或者吃炸雞。（黃國立攝）
郭子豪又認為自己成為首個在健美比賽中得到冠軍的藝人後，會對演藝事業有幫助：「我演藝方面可以行多條路畀監製睇，我可以操到咁樣，然後又可以瘦身瘦到咁，我想話畀人聽我能力可以做到。」
子豪笑言女朋友好開通，唔會介意佢同教練錯綜複雜嘅關係。（黃國立攝）
+2
+16