【婚內情】網民稱「ViuTV陳啟泰」 強尼：我諗係我出現得太多！
撰文：賴家杰
出版：更新：
強尼（許博文）今日（29日）出席ViuTV新劇《婚內情》發布會。提到他一直都主要以司儀、主持工作為主，但最近開始轉型做演員，更在《婚內情》中擔演一角，問他是否全力拍劇？他接受《香港01》訪問時說：「其實自己好幸運，監製畀機會我，呢次係我第二套ViuTV拍攝嘅長劇。」他又指自己為了拍劇去上演藝課程：「其實對拍劇好有興趣，加上我想演戲方面再好啲，5月時候上咗演戲班，我係有興趣充實一啲，想做岀嚟感覺唔同，畀一個不一樣嘅強尼大家睇。」
強尼開始轉型拍劇，想畀不一樣嘅強尼大家睇。（陳順禎攝）
提到有網友因強尼經常為ViuTV擔任主持而稱其為「ViuTV陳啟泰」，他即指自己愧不敢當：「我諗網民意思係因為我過去半年公司出現得太多，嗰個時候又世界盃呢，不過佢哋見到我起碼唔係話唔鍾意先，陳啟泰都有做主持同拍劇，我如果可以向呢個方向發展，大家又接受我，我當然開心。」強尼更說到與陳啟泰當年有線電視時代已經有合作，希望將來有機會再碰頭。
強尼覺得「ViuTV陳啟泰」這個稱號對他而言是一個讚許。（陳順禎攝）