陳家樂自認飯桶食埋人哋嗰份 衛詩雅鍾意塞男朋友食嘢
撰文：張嘉敏
出版：更新：
做藝人當然要時刻keep住靚body以最佳狀態示人，陳家樂同衛詩雅 (Michelle) 身材一向fit爆，不過兩人從沒有因為要減肥keep fit而浪費食物，今日他們就孖住一齊為大家樂的惜食活動擔任大使主持啟動禮，宣揚惜食的訊息。別看Michelle咁瘦，原來她好食得，活動開始前就食了隻炸雞髀：「我唔使開戲時會亂食嘢，唔會特別忍口，本身係易肥易瘦。」
陳家樂同衛詩雅齊以大使身份出席惜食活動。（梁碧玲攝）
而要做Michelle的男朋友，她說：「我成日食剩嘢畀我以前嘅男朋友食，做我男朋友要幫我食晒啲嘢，係會愈嚟愈肥㗎，不過我鍾意佢就唔會介意佢肥的，所以我搵男朋友佢要好食得。」現時無拍拖的Michelle會將食剩的食物給父母食，總之就不會浪費食物，但屋企人卻愈來愈肥。家樂則自稱係飯桶：「我好鍾意食飯，成日會食埋人哋嗰份。」
兩人仲表演跳舞。（梁碧玲攝）
提到近日網上有短片講外國人不會畀家用而引起網民的討論，對此，家樂同Michelle 都異口同聲表示覺得是需要畀家用父母的。Michelle說：「我一出嚟做嘢就有畀家用媽咪，會主動問媽咪想要幾多，其實媽咪唔係話要我哋啲錢，而係想我哋有責任感，為屋企付出下，就算畀幾百蚊都唔緊要，畀佢哋買嘢食都好，要孝順下父母。」
家樂話自己係飯桶。（梁碧玲攝）
家樂就話自己小時候的利是錢都是交給媽咪保管，到大個才自己keep返：「其實依家畀家用媽咪，佢都係幫我儲住，我有咩事佢會拎返啲錢出嚟幫我。至於畀幾多錢係隨心嘅，如果佢哋去旅行我會畀多啲，當係sponsor佢哋。」
Michelle揀男朋友要對方好食得。（梁碧玲攝）
【入住請敲門】吉隆坡荒廢大宅 衛詩雅都見識過有幾猛「慳妹」衛詩雅拍通宵唔夠瞓 堅持搭巴士：坐的士三百幾蚊好貴陳家樂原來係劉華粉絲！ 靚聲還原《暗裡著迷》MV【兄弟班】陳家樂、林耀聲苦練音樂 延續溫拿兄弟情
+4