【陳展鵬單文柔結婚】大熱以色列品牌婚紗 小清新婚照散發仙氣

撰文:
最後更新日期:

從拍拖到結婚,陳展鵬同單文柔(Phoebe)只係用咗不足2年時間就認定對方,9月10號宣佈婚訊,10月份就會註冊結婚,仲已經火速於英國法國兩地拍攝婚紗照。雖然陳展鵬接受訪問時表示,好多嘢都係去到當地再買,包括佢身上嘅西裝。而Phoebe拍攝婚紗照嘅兩套婚紗,就絕對係精心預備。同楊怡、陳凱琳、余文樂太太王棠云一樣,選擇來自以色列品牌嘅婚紗。

頂級婚紗品牌Berta

Phoebe身上呢套DEEP V魚尾婚紗,來自以色列頂級婚紗品牌Berta。

一對準新人喺訪問中講到,陳展鵬先後兩次求婚,去到英國街頭一架寫住「520 NEXT STATION MARRY ME」字樣嘅巴士前單膝下跪,先至抱得美人歸。Phoebe身上穿著嘅DEEP V魚尾婚紗,同楊怡、李亞男婚禮所揀嘅婚紗一樣,來自以色列頂級婚紗品牌Berta。

Berta品牌婚紗完美展現女性美,美得令陳展鵬不禁單膝下跪求婚。

楊怡於婚宴上換上嘅呢套婚紗,都係來自Berta。

呢個品牌擅長於婚紗設計中注入時尚感,充滿異域情調嘅羽毛、奢華閃耀珠光,以及運用精緻刺繡打造數一數二嘅性感婚紗。Phoebe身上嘅一套,以肉色底布配以白色羽毛元素,精緻刺繡中縫上無數水晶,陽光下閃閃生輝。肩帶以高級絲帶綁成,可以就新娘子高度調較,性感而不流於俗氣!

絕美夕陽下,婚紗更為閃耀。

Pheobe捨棄傳統婚鞋,以白色波鞋襯魚尾婚紗,帶出甜美佻皮感覺。

【多圖】藝人婚照類型多元化 岑麗香陳柏宇孫慧雪各有特色

更多Berta品牌婚紗:

+13
+12
+11

華麗又甜美之選 Inbal Dror

單文柔第二件婚紗,選擇同樣來自以色列嘅品牌Inbal Dror。同Berta嗰件魚尾貼身設計大不同,Phoebe揀選A Line吊帶大露背設計婚紗,轉身時相當飄逸,流露活潑少女感覺。

Phoebe選擇Inbal Dror吊帶A Line婚紗,少女感十足。

轉身時相當飄逸,令未婚夫目光難以移開。

設計師擅長利用柔軟的蕾絲打造貼身,性感,女性化婚紗,充滿摩登女性氣質。而且相當喜歡大露背設計,露背都露得好浪漫自然不做作,雖然性感但是卻是很高階且有質感,將女性的魅力跟曲線詮釋得好完美,點點星芒般閃爍不已。樂基兒、宋熙年以及朱孝天太太韓雯雯等,都選擇穿著呢個品牌婚紗出嫁。

透明底紗配以幼身吊帶,婚紗綴以大量水晶,為婚照帶來清新感覺。

宋熙年著上Inbal Dror品牌婚紗下嫁陳智燊。

去年樂基兒嘅草地婚禮,一樣選擇Inbal Dror品牌婚紗。

更多Inbal Dror品牌婚紗

+10
+9
+8


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。