Super Girls學整月餅 Aka重提中秋傷心事:勁Dry

撰文:
最後更新日期:

日前組合Super Girls作客TVB娛樂新聞台節目,與主播許文軒〈Edmond〉齊齊製作中秋月餅,幾位大讚師傅後生靚仔,製餅過程中笑料百出,五位成員更分享過往中秋節趣事。成員Heidi直言最愛吃奶黃月餅,她說:「有一年食咗好多個,足足肥咗十磅!」Jessica說:「上次演唱會之後,我哋做gym做上癮,所以唔怕食,好快減得返。」而Aka則分享過往中秋的傷心事,她說:「有一年中秋正日,同屋企人去黃金海岸沙灘賞月,但去到沙灘,我爸爸媽咪仲有阿妹同佢男朋友兩pair各自行咗出去,淨返我一個人睇咗袋,成件事好唔浪漫。」

Super Girls幾位成員喺中秋前約埋整月餅。

不經不覺Super Girls五位成員已相識七年,她們直言改變不少,Aka說:「我地好似老夫老妻咁,有好多野大家都直接講,唔使客氣。」Cheronna說:「諗返起初初相識,公司要我地五個聯誼增進感情,其中一個Schedule係要我地排完舞後食飯唱K,我地心諗咩行程嚟,排完舞寧願休息下啦!」現在五人一見面即雞啄唔斷,過程中更互爆秘密,她們直指Aka為最Dry的成員,因為曾有相士指Aka五十一歲才會結婚,而Jessica被眾人認為是最快生兒育女的成員。

個個都好落力整。

又整得好「靚仔」喎!



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。