【全民造星】Anson Lo、姜濤私「蜜」片公開 兩人認關係超越友誼

撰文:陳栢宇
出版:更新:

ViuTV選秀真人騷《全民造星》今晚(14日)正式揭曉10強人選,A組導師要篩走4位學員,B組導師則要踢走6位學員,令他們心如刀割,而結果一如之前各大傳媒報道,參賽者Stanley、Anson Kong、Jeremy、細貓、肥仔、Ian、Lokman、龍志權、Edan和姜濤順利晉級,能夠齊齊遠赴美國洛杉磯接受訓練,不過這個結果卻令支持其他「造星仔仔」的擁躉傷透了心,完全理解到一班支持大熱門Anson Lo的粉絲,眼白白望住他被淘汰、30強止步的感覺。

《全民造星》今晚(14日)正式公開10強名單,未來十多集會探討參賽者舞台以外的生活。(電視畫面)

A組入圍10強名單:

+1

B組入圍10強人選:

大熱門Anson Lo在《全民造星》突然被淘汰,令不少粉絲非常傷心。(Instagram)

不過,ViuTV都非常識做,即使明知Anson Lo已經被淘汰,但仍然找其演出,滿足一班粉絲的需要,之前他亦有份在《全民造星粉絲見面會》中表演。昨日(14日),ViuTV在其facebook專頁公開了一條Anson Lo和姜濤的短片,主持人在片中劈頭便問兩人是否朋友關係,姜濤即意有所指:「你覺得可以用Friend嚟形容我哋兩個?」Anson聞言即問:「密友?」姜濤邊扣衫鈕邊再問:「淨係密友?」HeHe味濃,極有「朋友以上戀人未滿」的感覺。

ViuTV在Instagram亦公開了姜濤和Anson Lo甜蜜到漏的合照。(Instagram)

之後,姜濤好直接地向Anson Lo「表白」:「我好鍾意佢個身體,因為我覺得佢嗰隻身材,係我夢寐以求,所以成日摸佢,佢全身上下我都好想要。」而Anson Lo亦有在片中公然地「唧」姜濤,搞到姜濤立即怕醜仔上身:「喂呀,又唧!每次你摸還摸,你唔好加個唧得唔得呀,我真係頂唔順呀!」最後兩人仲攬實大玩信任遊戲,忍住不「唧」對方,但Anson Lo好快便「破戒」,仲因為太用力搞到姜濤好痛:「你整到我痛。」片段上載短短一日已有12萬人觀看。另外,《全民造星》總決賽將於10月14日在九龍灣展貿中心舉行。

姜濤、Anson Lo之間充滿着愛。(facebook)

點擊下圖逐格觀看姜濤和Anson Lo的甜密時刻:

+5