【蝕日風暴】陳啟泰欲擺脫百萬富翁造型:想做變態佬或者殺人犯!

撰文:關穎賢
出版:更新:

秏資超過1.8億的懸疑警匪網劇《蝕日風暴》將在9月22日晚上8時在香港「黃Viu煲劇平台」獨家首播,由金牌監製梁家樹及其黃金班底打造,更穿梭香港、布達佩斯、馬來西亞三地拍攝。該劇除了有港、台兩大男神張智霖、王陽明坐鎮,還有薛凱琪、梁靖琪、秦沛、劉兆銘、羅家英、許紹雄、盧惠光、林嘉華、麥長青、陳啟泰、艾威、張松枝等好戲之人參演。

而剛剛完成ViuTV劇集《Plan B》演出,於《蝕》劇中飾演國際刑警郭Sir的陳啟泰透露,一度錯失演出這套劇的機會:「入行廿幾年,以往多數做主持,或者飾演專業人士,就連扮疆屍都要著住西裝,所以劇組初時邀請我扮警察,我係推咗嘅,因為我想做啲好玩啲嘅角色,最好係變態佬或者殺人犯!後來佢哋提議我演出另一角色,啱晒喇,正正係我想做嘅嘢。」陳啟泰表示想參演跟平時形象不同的角色,更直言今次所飾演的「郭Sir」會有很大的反差,能夠令觀眾看到另一面的陳啟泰。至於與張智霖的多場對手戲,陳啟泰笑言似足敍舊:「同Chilam識咗好多年,大家有共同朋友,細個成日一齊出去玩,不過合作都真係第一次,所以都好珍惜呢個機會。」

【Plan B】陳啟泰10年後再拍劇 脫眼鏡演黑幫:呢個仲似我真人!

艾威為囚犯角色加添另類元素 服裝髮型下足功夫

另外,「綠葉王」艾威於劇中,再度飾演監獄中的黑幫大佬,艾威坦言角色有別一般囚犯,所以在演譯上較具層次:「上次參演梁家樹嘅劇集都係飾演黑社會大佬,不過今次喺創作上有啲分別,我將佢設計成比較斯文、有啲文化背景,所以我要求喺監獄裡面要有本書跟身,係一個不斷求進、識得自我增值嘅角色。」在造型方面,艾威亦下了不少苦功:「喺監獄入面服裝都係一致,唯有喺髮型上花啲心思。事先做咗功課,知道裡面容許犯人將個頭梳得整整齊齊,於是我就以一個整齊嘅髮型同大家見面。」艾威更透露,劇中一場監獄暴動戲相當有睇頭:「打鬥場口令人難忘,今次我都有參與呢個大型場面,不過因為係大佬,所以就指揮居多。」

+3