【黃金有罪】黃建東與Ben Sir做戲壓力大:佢背對白好流暢

撰文:吳子生
出版:更新:

無綫新劇《黃金有罪》今日(21/9)一眾演員以新造型亮相會見傳媒。黃建東在戲中飾演奸角,因妒忌張兆輝,想盡千方百計要陷害他。「飾演奸角以為好簡單,其實都幾難,本身我又唔係一個奸嘅人,所以我要睇住兩位前輩黃智賢(Ben)、張兆輝做戲,從旁偷下師學習一下,佢哋兩個都係好戲之人,其實同佢哋做戲都有啲壓力,阿Ben佢做戲背對白好記性,佢可以好流暢咁一take過,所以我事前要做定功課免甩漏。」

黃建東最近拍攝無綫劇集《機場特警》瘦了十磅。(陳順禎攝)

何遠東表示今次個角色好有趣,可以同蕭正、洪永城攞正牌去夜總會結識女仔。「套劇講我係一個買雜貨嘅太子仔,我阿媽好恨我快啲可以娶老婆,咁我身邊緊會有啲好朋友蕭正楠、洪永城呢啲正人君子,帶我去夜總會識女仔,所以我嘅戲份好多時候,都會 徘徊喺夜總會,嗰啲舞小姐質素非常之高,聽聞監製會俾一個靚嘅女仔我,在戲中做我女朋友嘅,所以今次仲唔係大收豐。」

何遠東、黃建東、阿Bob、蝦頭,最近拍攝一輯搞笑版《延禧攻略》,希望觀眾到時會有驚喜。(陳順禎攝)
你可能感興趣