【超模2018】陳靜拍新戲 獲度身訂造角色超興奮：男主角任我揀！
撰文：吳子生
出版：更新：
陳靜（DaDa）周六晚（22/9）現身澳門舉行IFSM國際時尚超模大賽2018。DaDa表示首次擔任超模評判心情興奮。「超模大賽一聽個名可能大家會諗，身材要好高䠷，但我覺得身形個比例重要啲，唔一定要好高，但氣質好緊要，才藝方面我會比較欣賞表演舞蹈及樂器嘅參賽者，我幾鍾意女仔彈結他。」
Da Da表示都放咗咁耐假，係時候收拾心情工作。（黃國立攝）
DaDa養尊處優一段長時間，今年年尾將會復出拍電影。「有一部戲由公司安排我去做嘅，特別為我度身訂造，係一部女性主義嘅戲，呢個我好期待，其實我入咗行咁耐，冇一套戲係代表女性嘅作品，所以我想做一啲幫女性說話嘅角色，呢樣嘢一路都係我夢想嚟嘅，男主角方面公司話可以任我挑選，係好開心嘅，不過討論過，希望搵到一個同我有默契嘅，要有火花，邊個都冇所謂嘅。」
Da Da今晚盛裝出席《IFSM國際時尚超模大賽2018》。（黃國立攝）