【早霸王】森美親自指導點追女仔 兩大絕招提升成功率
撰文：冼燕珊
出版：更新：
又到星期五《早霸王》的「你知道唔知道有人掛住你」環節，有男聽眾阿Ham打來向女朋友正式示愛，他與女朋友在朋友聚會上認識，由於森美見阿 Ham 怕怕醜醜有點內向，醒他幾招如何好自然地問人拎電話，和追女仔必殺技。
「愛情專家」森美教大家點追女仔，快啲拎筆記出嚟抄低！（網上圖片）
森美教大家可以用合照呢招來拎電話，聽落好像好老土？原來有竅門，森美說：「無論影咩都好，都要話嗰樣嘢好搞笑或者好得意。」以「搞笑」和「得意」來做藉口「騙取」合照，然後就問女生電話號碼send 回合照，這樣就顯得更為輕鬆自然，因為如果很刻意地以拿電話為目標，就很容易會緊張手震，森美說：「所以拎電話要做『得意哥』，唔好做『大膽哥』。」他同時指出要注意避免用「靚」和「正」這些字眼。
森美指問女仔拎電話時，盡量避開有關「愛情」的念頭，就會無咁緊張。（網上圖片）
到了約會這步，他建議去睇恐怖片和玩過山車，「因為『驚』同『愛』的感覺好接近，如果你帶個女仔去睇恐怖片或者玩過山車，佢之後嘅餘悸，會當成係同你之間嘅愛的餘韻，會產生這種錯覺。」咁大家識做啦？
森美指「驚恐」和「愛」的感覺很接近，睇恐怖片有助催生感情。（網上圖片）
+12