楊怡生日林峯攜眷出席：介紹得畀大家識唔會係玩吓玩吓
撰文：吳子生
出版：更新：
楊怡以嘉賓身分出席今晚（28/9）在將軍澳舉行的《魔力綻放星耀之夜》活動，並大展歌喉獻唱。「今晚大會突然話要唱歌，好耐冇喺香港唱，到時上台唱吓應該冇大問題嘅。」早前楊怡生日，邀請了第13期藝員訓練班的同學敘舊兼慶祝。楊怡表示：「其實呢個聚會都係慶祝20周年啦，我哋夾咗有差不多一年嘅時間，因為個個都夾唔到，希望每一個都會有時間參與，但大部份都開緊劇，而阿峯又唔喺香港，佢個期都好難就，咁啱我生日佢又得喎，擇日不如撞日，就喺我生日約出嚟食飯慶祝囉。」
楊怡已有計劃生B，現正調理身子中。（陳順禎攝）
楊怡被問到生日聚會，有沒有見到林峯女朋友張馨月？楊怡笑話：「我只能夠講阿峯有介紹佢女朋友畀我認識，雖然認識唔深，我都只係見過一次，我覺得呢個女仔好好嘅，係比較靜嘅，但好快融入到我哋，咁我覺得幾好呀。」有冇同阿峯傾下係時候成家立室呀？「佢儲夠錢咪結婚囉，哈哈……」阿峯有冇透露同女友夾唔夾？「佢介紹得畀我哋識，一定唔係玩吓玩吓，對呢個女仔係好肯定嘅，佢唔會介紹玩吓玩吓嘅女仔，畀我哋呢班識咗20年嘅朋友去認識。」
楊怡表示自己都好喜歡小朋友，生多少個就未有計劃之中，一個都好感恩。（陳順禎攝）
+1