【開心速遞】傻強形象入屋 馮奕森:終於等到大家畀呢個機會我

撰文:
最後更新日期:

傻強喺劇中走丑角路線。

無綫處境劇《愛.回家之開心速遞》入面的傻強 (馮奕森飾) 一角,人如其名走傻傻更更的路線,其戇直搞笑的丑角形像深入民心,愈來愈受劇迷同網民的歡迎,近期的戲份亦愈來愈多。馮奕森畢業於2013年第27期無綫電視藝員訓練班,入行至今演出過多部劇集,但多是行行企企的角色,《開心速遞》中飾演傻強一角,是他從影以來戲份最多的一角,他說:「終於等到大家畀呢個機會我,我絕對相信用心去做,身邊嘅人係會睇到的,自己亦撫心自問有用心去演戲,大家會Feel到我有諗點樣可以做得更好,我依家都係邊做傻強,邊等更好玩更多發揮嘅角色。」

傻強嘅角色好入屋。(影片截圖)

劇中飾演醜男的奕森,於真實世界卻原來是靚仔一名,與劇中角色有好大落差。當初接到通知要演傻強一角時,奕森的第一個反應是:「吓?傻強?點會咁㗎?」坦言自己都覺得有些奇怪:「導演、監製搵我演呢個角色,可能係接觸過我覺得我係搞笑底,同埋講嘢幾抵死,認為我可以handle到佢哋想要嘅效果。而當我一睇到個劇本之後,發現呢個角色可以自由奔放,好浮誇好搞笑咁去演,我就覺得真係有得做喇。」

馮奕森以前演啲角色多係靚仔為主,戲份不多。

自度小動作增強喜感
作為一位專業的演員,奕森要做丑角並沒有唔開心,還花了好多心思去將傻強一角演得更好更傳神,例如自度了一些小動作,講對白時加了一些得意的用字等等,只是有時會幾辛苦。奕森說:「監製同導演畀咗好大空間我,令我可以加好多自己idea入去,例如用啲得意嘅字眼,妹豬、凌凌豬、強強同豬豬呢啲,好好玩。」不過演傻強原來都有辛苦的地方,他說:「我自己本身有少少潔癖加上皮膚好易敏感,但傻強個形象就有啲嗱渣,好似油嘴咁,所以有時會幾辛苦。同埋傻強成日眨眼,由朝拍到晚眨成日真係會眨到眼乾。」

傻強有啲嗱渣。

奕森靠傻強一角成功入屋,不過大家似乎只知道他叫傻強,未必會知道他的真名,對此他說:「我絕對唔介紹觀眾只係認識傻強呢個角色,如果佢哋真正喜歡我嘅話,就會去尋找我嘅嘢,去認識我。喺街度好多人都會叫我阿強,佢哋唔會叫我傻強,可能係見到我真人唔係傻更更咁樣,會唔好意思叫。作為藝人可以令到所有人叫我一個劇名,已經代表個角色嘅成功,係開心嘅。」而自小充滿表演慾,熱愛演戲的他,並沒有給予自己一個時限在演藝圈發展:「只要有得演都會一直演落去,想將演戲成為我嘅終身事業。」

攝:林迅景

奕森入行資歷唔算好耐,但已經有戲癮。(林迅景攝)

一齊睇下戲裡嘅傻強同戲外的奕森有幾大落差

+12
+11
+10


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。