【蝕日風暴】薛凱琪笑笑吓都跌親：同梁漢文同台我就跌倒㗎啦！
撰文：趙允琳
出版：更新：
Viu熱播網絡劇《蝕日風暴》今日（3日）舉行造勢大會，開播半個月，點擊率節節上升，更成為網上平台稱霸成為榜首。相隔多年再次拍劇的薜凱琪（Fiona）表示對成績非常滿意，很感激每位喜歡《蝕日風暴》的觀眾。
相隔多年再次拍劇的薜凱琪（Fiona）今日（3日）出席Viu《蝕日風暴》的造勢大會。（葉志明攝）
不慎打到梁靖琪成隻手腫
提到劇中有多場動作場面，Fiona在會上自爆與梁靖琪（Toby）拍對手戲時不慎打到她成隻手腫了：「其實因為安排咗我戴住隻鋼錶，我就一路出拳隻鋼錶就敲到佢隻手，跟住Toby就問我點解要戴住隻錶同佢打交，我真係對唔住。」Fiona表示為了這部劇每人都有受傷過，她自己的尾指也受了傷，雖然還沒有時間看醫生，但看見收視高，覺得一切也是值得的。
Fiona在會上自爆與梁靖琪（Toby）拍對手戲時不慎打到她成隻手腫。（葉志明攝）
Fiona台上不慎跌倒：「常見嘅嘢嚟。」
Fiona說幸好以往自己有拍古裝和跳舞經驗，自己身體都尚算協調，可以應付到需要反應夠快的打鬥戲。雖然Fiona稱自己反應夠快，但卻在台上「蝦碌」地笑著笑著突然跌了一跤，她笑着解釋：「因為台上面有個卡位，我個高踭鞋好高所以卡咗落去啦，但係都唔係一件好意外嘅嘢嚟架啦，就好似呼吸飲水常見嘅嘢嚟。由叱咤至到Wyman（黃偉文）個show，我兩隻高踭鞋飛走咗我都係常見嘅，所以大家唔好咁大驚少怪啦。」Fiona更說自己的大頭蝦源自於梁漢文（Edmond）：「上次喺Wyman紅館個台度飛咗高踭鞋，一隻飛去呢邊，一隻飛向嗰邊，其中一隻好似係Edmond幫我執嘅，所以我懷疑佢喺台上面係唔利我嘅！佢一同我同台我就跌倒㗎啦！」
+6
Fiona在台上笑著笑著突然在大家面前跌了一跤，她指今次與上次在黃偉文的紅館演唱會時的「飛鞋事件」時碰巧地梁漢文（Edmond）也在場，所以懷疑Edmond不利她！（葉志明攝）