鄭嘉穎終於開IG 陳凱琳第一個Follow：我會教佢玩
撰文：吳子生
出版：更新：
陳凱琳（Grace）今日（5/10）現身中環添馬艦舉行的《乳癌防治活動》。全球每19秒便有一位女性被確診乳癌，作為女性之一的Grace，又如何防治乳癌的發生。「我自己一得閒就會做自我檢查，其實呢樣嘢好簡單亦係好重要，可以係屋企嘅時候可以幫自己檢查，我身邊嘅朋友都有確診乳癌，朋友圈當中大家都會對呢件事好緊張。」
Grace與陳柏宇今日出席中環添馬艦舉行的防治乳癌宣傳活動。（葉志明攝）
一直沒有 IG 的鄭嘉穎，日前終於開返個帳戶，老婆陳凱琳當然係第一個讚好，仲follow埋老公。Grace話：「其實一路以來，身邊啲朋友呀，同埋我都有叫佢開IG，尋晚終於打動到佢開呢個IG啦，嚟近佢有電影工作要宣傳，其實佢明白有呢個平台宣傳係一件好事，我有同佢講：『第時如果你玩唔慣，我會教你玩。』其實我都知佢平時比較忙，佢肯行呢一步已經好好，希望佢可以利用呢個平台認識啲小粉絲呀。」
Grace表示一班朋友推動下，鄭嘉穎昨日終開設IG帳戶。（葉志明攝）