【救妻同學會】陳婉衡首演黑幫啞女 「肢體語言同眼神都要學」

撰文:
最後更新日期:

陳婉衡(Alycia)今晚(5/10)現身太古城出席首映禮活動。Alycia 夥拍胡美貽出發峇里島拍攝旅遊節目《3日2夜》,為了在節目中派福利,Alycia少不免出發前操下肌。「當接到會做呢個節目,真係勁開心又興奮,我本身都好鍾意陽光與海灘,雖然之前都去過峇里島,但今之嘅行程我係未去過,我知道會有潛水,所以特登自行考咗個潛水牌方便拍攝,亦知道要著泳衣亮相,所以去之前做多咗運動,都有戒吓口,都希望影啲靚嘅泳衣照。」

Alycia 今晚出席太古城舉行的映影禮。(黃國立攝)

Alycia拍攝完《3日2夜》後,緊接拍攝由胡鴻鈞擔正的新劇《救妻同學會》,在劇中飾演一名啞女黑幫份子。「雖然一句對白都冇,但我喺戲內要做手語,肢體語言眼神都要學,唔係咁簡單,都好有挑戰性,覺得幾好玩,因為戲裡面我係一個比較強嘅女仔,會著露腰嘅衫,所以導演想我條腰拍出嚟有線條,拍攝前我不能夠食太多,一方面唔食得嘢,另一方面又唔講得嘢,個口差啲口臭,有苦自己知。」

Alycia與胡美貽拍攝《3日兩夜》成為好友。(黃國立攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。