【再創世紀】袁偉豪急性腸胃炎嘔到眼火爆：雙眼爆微絲血管
撰文：吳子生
出版：更新：
袁偉豪（Ben)今日（6/10）現身出席馬鞍山舉行的《再創世紀》宣傳活動。Ben原本國慶當天要北上工作，在零晨時分因急性腸胃炎入院，並留院觀察。Ben透露同朋友聚餐時，食麻辣火鍋引致腸胃炎。「其實本身自己腸胃一向都唔係咁好，自己又唔食得辣，食完當晚半夜係咁嘔，嘔到對雙眼微絲血管都爆埋。身體承受好大壓，怕自己頂唔順，張寶兒即刻車我去私家醫院睇急症，成個人企都企唔到，要坐輪椅，身體狀況非常之差。本身早上要起程返內地，但有見及此身體可能應付唔到，同經理人商量後決定取消行程。」
.Ben表示自己腸胃一般都唔係咁好，好易腸胃炎。（黃國立攝）
胡諾言早前與好兄弟袁偉豪、陳山聰，撇甩老婆仔女去滑水，Ben笑話：「其實胡仔運動細胞都好強嘅，如果唔係點會咁多小朋友呀，佢經常都要放電。我都好耐冇玩滑水，問我冇咩好介紹，咁我就嗰朝早就同佢出咗去玩wake surfing，玩咗幾粒鐘，佢做嘢咁辛苦，每朝都要車小朋友返學，佢太太好好，唔會唔俾佢去玩吓輕鬆吓嘅。」
Ben腸胃炎期間，感謝媽咪及女友張寶兒 悉心照顧。（黃國立攝）