【再創世紀】周勵淇揭林文龍真面目：原來佢係傻㗎！
撰文：秦志鴻
出版：更新：
有份主演劇集《再創世紀》的周勵淇日前上電台節目《一圈圈》接受阮兆祥訪問，更提到林文龍在《再》劇拍攝時的真面目：「開頭就好驚佢會唔會好cool，加上佢個角色本身又係好cool，咁所以我就好驚阿龍爺喇，點同佢拍呢？佢又唔似安仔（郭晉安）一嚟就18隻牙咁出晒嚟，佢又戴副黑超咁，點知，原來佢係傻㗎！佢係一個小朋友嚟㗎！」阮兆祥接著說：「佢係鱷魚頭老襯底！」
（Facebook）
除此之外，周勵淇亦因為林文龍而感到壓力，因為對比之下，自己比林文龍所進食的實在多太多了：「佢最好笑嘅係佢唔食嘢㗎，佢個程度係每日淨係飲蔘茶㗎咋，佢話佢慣咗，早餐佢唔食，淨係飲少少蔘茶，可能食少少麵包，如果我哋出去食午餐，佢又唔食，佢喺側邊行，佢話要做運動行路，係點叫佢都唔食，晚餐又唔食！」
+2