《衝上雲霄2020》傳迪麗熱巴楊冪擔正 香港代表靠吳鎮宇撐場?

撰文:張嘉敏
出版:更新:
無綫經典劇集《衝上雲霄》系列將會開拍第三部曲《衝上雲霄2020》。

無綫經典劇集《衝上雲霄》系列將會開拍第三部曲《衝上雲霄2020》,外界一直都好好奇到底會有哪些演員參演。自月前無綫於影視博覽會上宣布將會與騰訊合作,耗資2億元人民幣開拍這套劇之後,大家都好想知多些有關呢套劇的消息,日前博客方以文就於他的Facebook開post表示,無綫(節目及製作)副總經理杜之克接受新浪訪問時提到,《衝上雲霄2020》會以內地作為故事背景。

Cool魔同Sam哥應該無得再一齊喺新劇出現喇。

而演員名單方面,杜之克就繼續大賣關子冇回應,網上則流傳了不少相關的傳聞。有傳飾演Sam哥的吳鎮宇會有份參演新劇,至於飾演Cool魔的張智霖,以及飾演夏晨的胡杏兒,由於他們的老闆蕭定一與無綫的糾紛至今仍未解決,故相信應該無咩機會可以參演。其他香港代表,就曾經傳出陳偉霆會於劇中飾演一角,不過他所屬的公司英皇已表示,暫時沒有傾洽過要接拍呢套劇。

胡杏兒同陳慧珊都應該唔會有份演出喇。

既然呢套是合拍劇,當然會加入不少內地演員,有傳TVB同騰訊正力邀迪麗熱巴、楊冪、黃子韜以及Angelababy等人演出,真係位位都是一線級人馬。如果確是落實有這些人選,究竟香港要出動到邊幾位演員先可以匹敵呢?原班人馬已經唔齊腳,仲要以內地作故事背景,再加內地演員擔綱演出的話,其實香港的觀眾仲會唔會有興趣想睇呢?

傳聞話有迪麗熱巴。

傳聞仲有呢幾個內地藝人有份主演:

+6