宣萱大爆古天樂氣場勁 古天樂直言不會發脾氣:我都唔講嘢嘅

撰文:
最後更新日期:

古天樂聯同旗下藝人宣萱昨日(11日)出席品牌活動,問到古天樂對潮流是不是也很有要求?他說:「我好鍾意買衫,我諗因為成日要做嘢冇機會買衫,有時間都會去睇,咁都要了解宜家嘅潮流嘅,但著衫方面有時侯都唔太識搭配,都要上網睇點搭配。」在旁的宣萱笑古仔其實他衣著品味挺好的。

古天樂聯同旗下藝人宣萱昨日(11日)出席品牌活動。(陳順禎攝)

古仔和宣萱最近在電影方面有合作,二人多年沒有合作感覺如何?宣萱回應說:「同佢合作無緊張,反而宜家佢識得好多嘢,所以無論係劇本或者我哋每一場戲,佢都畀到好多清晰嘅意見,成件事做好哂。」古仔對自己要求一直也很高,宣萱也十分認同這一點,「佢一路睇住屏幕,好彩識咗好多年,所以冇緊張感覺,如果係新相識我會有壓力。」再問到宣萱片場中古天樂會否發脾氣?宣萱立即回答沒有,然後看一看古仔,古仔無奈地說:「我片場唔講嘢㗎,通常都導演講,會商量一下啦大家。」

古天樂說到即將與宣萱再度合作拍攝《尋秦記》電影版。(陳順禎攝)

古仔生日在即,早前宣萱生日,身為老闆的古仔也有幫她慶祝,宣萱聽了後很驚訝的說:「有嗎?」不過說到正題,宣萱說古仔生日當天已經在外國:「我check緊番唔番得切嚟,我好有心,但唔好預我食了,減肥。」古仔透露生日年年也是跟家人很普通的度過,沒什麼特別事做。

古仔即將生日,對於宣萱不在香港,直言她是特登的。(陳順禎攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。