【早霸王】男聽眾唔使表白就得手 森美: 點解要男仔追先馨香

撰文:
最後更新日期:

講到結婚,唔少男聽眾都曾在《早》指出樓係先決條件,男聽眾阿輝就話曾經都有計劃買樓,但後來同女友覺得租樓都可以,森美大讚阿輝執到。

話說今年5月有忠實女聽眾,提議追求者表白一定要經《早霸王》,男方雖然怕羞到極點,但都甘願為女神豁出去,並成功打動對方。而喺今個星期嘅《早霸王》「你知道唔知道有人掛住你」環節,又有男聽眾收order做嘢!似乎表白一定要有《早霸王》,已成為坊間其中一個指標。

如果真係要進行100次求婚,呢個絕對係希望工程。

男聽眾阿輝同女友拍拖十年,自覺係時候踏入人生另一階段,之但係點解遲遲未有行動呢?「佢要求過求婚100次,但真係無能為力 。」阿輝指當年「無問佢可唔可以做女朋友就喺埋一齊,但我懷疑女仔係好嚮往呢一方面。」森美聽到之後,認為呢啲就係男女不平等,更問「點解要男仔追先馨香?」不過佢都好醒咁話自己願意接受呢個不平等。
 

聽到阿輝女友話只計一次時,森美即時爆笑。

阿輝表示平日同女友一齊返工時,都有收聽《早霸王》,記得女友曾表示十分欣賞於大氣電波中表白的做法:「咁我前期做得唔好,都想做返比佢,不過佢應該唔會真係要求婚100次先得掛?」森美聽到之後,就話:「你算執到啦,佢話定比你聽。」並謂見過有男仔於大庭廣眾下求婚,結果女方因怕羞而拒絕,他更順勢提議電話接通後,負責幫阿輝數一百次「你嫁比我啦」。
 

一日求一次婚的話,都需時三個月,阿輝真係要加把勁啦。

電話接通後,女友Eva聽到呢個求婚大計之後,笑住咁話:「仲有3分鐘咋喎。」似乎係擔心男友於限時內,講唔晒一百次「你嫁比我啦」,結果阿輝真係喺12點新聞報導前完成呢個創舉,咁Eva係未say yes先?「呢個係未其中一次求婚 」森美聽到之後,幾乎笑到失控,而阿輝就即時補一句「希望你接受呢個有誠意但未有戒子嘅求婚。」但Eva仍然係唔收貨,並表示「我count住其中一次先」呢個101次求婚宣告失敗。
 

+5
+4
+3


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。