【港鐵故障】杜汶澤自駕返工一樣遭殃 7字真言神回網民交代慘況
撰文：張嘉敏
出版：更新：
港鐵今日4線故障，令到路面交通大擠塞。 （杜汶澤Facebook圖片）
繼早前超級颱風「山竹」襲港，10號風球落波翌日令一眾打工仔返工陷入混亂之後，今日又是打工仔們返工的受難日！港鐵於今早清晨6時宣布由於信號故障問題，荃灣線、觀塘線以及港島線列車服務均會延誤，即是3線列車服務同時受到影響，列車班次變得極之疏落。港鐵通知市民呢3條線車程預計需要額外40分鐘，令到全港要於早上繁忙返工的打工仔失晒預算。而直至早上10時許，列車服務非旦未回復正常，就連將軍澳線都發生信號系統故障，港鐵即陷入4線齊壞的狀態。
杜汶澤同一眾打工仔一樣，今日都要開工，所以都受到港鐵影響。
別以為不乘搭港鐵就無事，港鐵壞了，唔止逼爆月台和列車，市民亦自然尋求其他交通途徑去返工，大批市民同時湧去乘搭路面的交通工具，當然就會引致大塞車啦。身為駕車人士的杜汶澤就於他的Facebook上載了一張大塞車的相，留言表示：「塞港鐵塞到上吐露港」，大呻因港鐵導致的塞車之苦。而網民都紛紛留言分享下他們的苦況，其中有網民就問阿澤：「你做乜返工時間返工呀？」阿澤竟然回應對方話：「係窮啊⋯⋯DXXH！」簡單7個字即非常傳神地交代晒自己，甚至全港打工仔的情況，阿澤果然係勁嘅！
阿澤神回。
睇下阿澤平日返工嘅情況，佢都係一個勤力嘅打工仔嚟。
+5