森美為港鐵故障《塞爆列車》配音 對白超正:不停輪迴幾世都未到

撰文:
最後更新日期:

眼見女兒今朝花了45分鐘由九龍塘去太子站,森美最終駕車接載女兒到中環上學,下午再推出《塞爆列車》。

港鐵信號系統故障令港鐵荃灣綫、觀塘綫及港島綫需要慢駛,大批返工、上學族塞在港鐵站無法上車,森美今早於電台節目開咪時,指女兒返學花了約45分鐘由九龍塘去太子站,他最後親自駕車接載女兒到中環上學。或者係因為太過身同感受,故繼《返工》之後,森美又一力作--《塞爆列車》!

距離《返工》一個月,估唔到森美咁快又要為新作《塞爆列車》發聲。

森美雖然只係負責獻聲,但一字一句都絕對係香港市民今早的心聲:
「繼返工之後,香港市民又一巨獻--塞爆列車!究竟你有幾想返工?比你一試就知道,一次普通嘅路程,點樣可以攞你命,去到車站入唔到閘,入咗閘上唔到車,上到車車唔閂門,閂咗門架車唔開,車開咗佢又停,停咗佢唔唔開,開咗佢又停,停咗佢又唔開,開咗佢又埋站,埋站佢又唔開門,開門佢又唔閂,不停輪迴幾世都未到,老闆一早返到所有員工失晒蹤,大叫搞錯減人工,全港市民翻眼演出,大人細路傾力擠迫,返工返學好容易?等你試下塞到懵,塞爆列車!十月十六全城失蹤,本片青少年及兒童終於到你。」
 

最正嘅係上次《返工》曾以「本片青少年及兒童遲啲到你!」結尾,今次《塞爆列車》以「本片青少年及兒童終於到你!」真係接得天衣無縫。

+2
+5
+4
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。