黃翠如生日蕭正楠送蘋果樹蛋糕 原來隱含訂情密碼

撰文:
最後更新日期:

今日係黃翠如 37 歲生日,男朋友蕭正楠當然要識做啦,佢搵埋成班兄弟,踏正凌時凌分同女朋友慶祝生日,仲別有心裁地預備咗一個有喻意的蘋果造型蛋糕,相信翠如一定冧到爆。

蕭正楠為翠如預備咗一個充滿「陽剛味」的生日會。(IG圖片)

蕭正楠早前同胡定欣、姚子羚同曹永廉去咗瑞士拍旅遊節目,同女朋友翠如小別,返到香港,Call 齊成班兄弟,包括曹永廉、袁偉豪、區永權、楊潮凱等,為翠如慶祝生日,畀成班佬包圍,呢個生日真係陽剛味勁濃!初頭蕭正楠仲扮無驚喜,只係準備咗一個普通連鎖店生日蛋糕,但踏正12點,就搬出一個巨型蘋果蛋糕出嚟,呢個蛋糕並唔係一個普通蛋糕,成個造型原來蘊含咗「愛的密碼」!

原來呢個蛋糕係包含「愛的密特碼」,蕭正楠親自解畫。(影片截圖)

蕭正楠同翠如拍拖4年,佢哋因為合作《師奶Madam》而結緣成為戀人,蕭正楠在劇中角色叫「羅大樹」,翠如飾演「花蘋」,而蛋糕的造型係一個巨型蘋果被心形樹枝包圍,喻意大樹會一直愛同保護花蘋。蕭正楠以電話回覆《香港01》說:「第一部同佢拍嘅劇係《師奶Madam》,劇中佢叫蘋果我叫羅大樹!所以就造咗蘋果樹蛋糕嘞!」真係超級 Sweet 呀!

翠如同蕭正楠因為合作《師奶Madam》撻著成為情侶。(網上圖片)

+4
+3
+2

唔只咁,翠如亦在 IG 公開同蕭正楠之間的暱稱:「謝謝蕭一,為我準備了一個全男班的生日飯,一班男人的約會,總覺得我也是男人的一分子,謝謝各位俊男,祝黃二我生日快樂」,叫男友做「蕭一」,自己做「黃二」,真係好有夫唱婦隨的感覺,唔知幾時先聽到佢哋嘅好消息呢?

翠如叫男友做「蕭一」,叫自己做「黃二」,好Sweet!(IG截圖)

唔知幾時先聽到佢哋兩個嘅好消息呢?(視覺中國)

+10
+9
+8


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。