【迷失假期】俄仔Ansheles處男拍劇有感情戲:但唔多機會抽水

撰文:
最後更新日期:

Ansheles呢日要喺街頭賣藝。(鄺鈺瑩攝)

「俄仔」Artem Ansheles自從打入香港市場後,工作以綜藝節目及代言廣告為主,不過其實Ansheles去年為暗暗地為ViuTV劇集《迷失假期》供獻出第一次。劇集講述三個有著不同文化背景、不同目標同理想嘅年輕人,於香港一間窩囊旅館遇上並互相影響,劇集去年底已經拍畢,但結果放足一年才播出。

點知遇上對佢有意思嘅羅伊婷(Daisy),所以要即時走佬。(鄺鈺瑩攝)

身為一名俄仔,Ansheles嘅中文程度雖然唔差,但如果要拍劇的話又夠唔夠用呢?去年他為劇集在旺角拍攝外景時,雖然化行妝,但仍然有不少途人認出,並紛紛上前要求合照,足見俄仔魅力十足。Ansheles指自己於劇中飾演烏克蘭人,由於政治問題,所以非法滯留香港。「所以我最驚係警察,就好似呢日講我在街頭表演時,因為有警察所以要走佬。」問到可有感情戲時,Ansheles就話:「我好鍾意一隻雞,但我哋唔多機會抽水……」Ansheles口中的雞係指妓女,睇嚟佢真係香港文化有著深入的了解。
 

話晒都第一次拍劇,所以A每次拍完一個鏡頭,都會好緊要咁睇playback。(鄺鈺瑩攝)

Ansheles表示於劇中對白唔算多,所以唔係好擔心。「第一次拍戲,所以演技會擔心,不過真係好開心,聽日係最後一場我怕禿頭會喊。」俄仔大讚工作人員細心,不時教他走位等拍攝時要注意的事情,為了感謝大家,他趁著空檔時,買了一大袋飲品以及魚旦等小食「萬歲」,非常識做。近年Ansheles工作不斷,問到是否收入大增,他指收入確係有增多,有時甚至忙到連飯都無時間食。「但我唔想太商業嘢,所以努力拍多啲自己嘢。」
 

其實呢日俄妹Ayla都有嚟探班,但Ansheles就「阻止」佢接受訪問,原因係覺得佢廢話太多。(鄺鈺瑩攝)

為慰勞工作人員,Ansheles萬歲。(鄺鈺瑩攝)

勁多人集郵。(鄺鈺瑩攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。