【返歸啦俄仔】Ansheles曾為女神變小毒毒 初戀女友靚樣完勝天仙

撰文:陳栢宇
出版:更新:

俄仔Ansheles在ViuTV節目《返歸啦俄仔》中帶住觀眾同三位女嘉賓遊覽祖國俄羅斯,不過他在第6集中卻勁有私心地趁有空檔時間,與初戀女友Diana見面。與女神一別13年的他在節目中顯然極度緊張,襯最好的衫之餘又買定靚花,又直言心仔卜卜跳。攝製隊問俄仔「女神有否拍拖」時,俄仔即顯得好尷尬:「係呀,可唔可以問呢啲問題。如果而家問佢『你有冇拍拖』,你覺得個場面有幾咁尷尬,可唔可以唔好講呢啲。(怕醜?)梗係怕醜啦!」

【專訪‧有片】俄仔Ansheles返歸全裸焗桑拿:動作太大要打格仔!

Ansheles在前女友Diana面前即變成送花小毒毒。(電視畫面)
+2

節目尾段,俄仔送別女神前,女神便向觀眾爆一個俄仔的小秘密,原來俄仔小時候是一名變態痴漢:「你細個成日要引我哋女仔留意,之後搵啲青蛙嚇我哋!有次我生日,你不停話要我錫你,但我唔肯,之後你為咗逼我錫你,你攞住把刀追住我呀!你攞住把刀,圍住間餐廳追咗我好耐!」聽到俄仔面都紅晒。攝製影叫俄仔吻別女神,俄仔好搞笑咁拒絕:「痴線!」只敢向對方送愛的抱抱。

Ansheles與Diana重遊母校。(電視畫面)
+4

其實好難怪俄仔變成小毒毒,因為Diana靚得非常誇張,金髮眼大鼻高高似足洋娃娃,比起其他荷里活女演員絕不輸蝕,甚至可以話靚過好多明星。如果覺得電視畫面不夠清楚,各位可以到Diana的Instagram觀看她的其他靚相,即使養眼性感相欠奉,但已經極度賞心悅目。不過,各位睇照片時請自動在腦內安裝過濾程式,因為Diana與現任男友有大量合照,經常放閃曬恩愛,令一班單身狗叫苦連天。

Diana今年2月27日在網上曬出自己與Ansheles的合照。(Instagram圖片)

點擊下圖睇Diana靚相(注意:內含與男友合照):

+21