【跳躍生命線】有望榮升視帝? 馬德鐘:拍之前冇諗過咁好反應

撰文:賴家杰
出版:更新:

「馬神」馬德鐘早上與一眾《跳躍生命線》的演員出席慈善活動,Joe直言已參加了幾年:「我覺得早上活動會令人開心,因為朝氣好好。」做善事方面Joe可以說是不遺餘力,全因為乜?「好多時候會帶埋屋企人佢哋一齊,尤其是唔係咁大型慈善活動,反而同屋企人佢哋去小型啲,自發性會多啲。」

馬德鐘(Joe)今天(28日)早上與一眾《跳躍生命線》的演員出席慈善活動。(梁碧玲攝)

Joe透露也會特意早上四點多時候會做車長帶兒子去練水,「其實呢啲活動7點幾對兒子有點晏,佢喺香港我車咗佢練水之後我就會行山,其實平時早瞓就唔會覺攰,最緊要可以多陪屋企人。」

Joe平時都特登早起身車囝仔去練水再自己去行山。(梁碧玲攝)

《跳躍生命線》自播放後話題不斷,劇中每位主角亦受到大家關注,Joe這次也很希望大家能接收這套劇集給大家的訊息「希望與奇蹟」。而這次Joe能否憑這套劇集能問鼎視帝?他直言也是跟這部劇集一樣:「其實拍之前無諗過會咁好反應,就好似呢部劇一樣,好多意外發生,希望會好似部劇訊息一樣,今年會有希望同奇蹟。」

Joe對與今年視帝獎項期望係「希望同奇蹟」。(梁碧玲攝)