【3日2夜】教劉穎鏇摸柱要「塞入個窿」 江嘉敏追問「濕」係點解

撰文:
最後更新日期:

江嘉敏同劉穎鏇真係好好感情,鏡頭前成日窒好好笑。(受訪者提供)

周六晚(27/10)播出的《3日2夜》土耳其篇第2集,一樣有劉穎鏇、江嘉敏帶觀眾在土耳其食買玩,今集更去到著名的旅行景點伊斯坦堡、棉花堡參觀。除了必到的聖索菲亞大教堂、希拉波利斯古城等名勝外,兩位女神更親手下廚學煮土耳其菜,又品嘗地道雪糕。在聖索菲亞大教堂時,兩人嘗試一座放在教堂中的冒汗許願柱,過程中出現一段有趣對話。

佢哋真係影咗好多靚相,估唔到土耳其都可以咁多嘢玩。(受訪者提供)

靚相可以慢慢睇:

+25
+24
+23

劉穎鏇示範將隻手指公塞入「冒汗柱」個窿度轉360度。(電視截圖)

江嘉敏:「你知唔知道點解要強調有冇濕到呢樣嘢?你知唔知濕代表點解?」
劉穎鏇:「代表啲咩吖?」
江嘉敏:「吓,你唔係知㗎咩?」
江嘉敏:「其實呢條柱叫做冒汗柱。點解我哋要強調有冇濕到呢?就係因為呢條係一條許願柱。據聞將你隻手塞入個窿度轉360度,轉完之後你就許願。如果隻手指公攞返出嚟係濕嘅,證明你個願望會成真,但係我啱啱掛住轉唔記得許願,哈哈。」
劉穎鏇:「哦!要一邊轉一邊許願㗎?我諗我要再排過隊啦。」

【3日2夜】劉穎鏇呻土耳其旅程「好鹹又重口味」:預咗辛苦!

【3日2夜】劉穎鏇江嘉敏有艷遇 土耳其Shopping講價遭「索吻」

節目入面啲對白,原來佢哋都有份度。江嘉敏仲話節目入面睇到嘅,就係佢平時就係咁劉穎鏇傾計咁。(電視截圖)

其實這次《3日2夜》節目中,還隱藏了不少這種輕鬆搞笑小打小鬧的對話。在星期六晚上休息的時間觀看,實在能讓人會心微笑、舒解鬱悶。要說一輯旅遊節目的成功,其實「度對白」的幕後功勞亦不少。但原來這些「小打小鬧的對話」有部份也是出自江嘉敏和劉穎鏇的腦袋。

江嘉敏接受《香港01》訪問時說:「我好開心可以同Tiffany去,因為兩個Trip我哋都係Roomates,住埋一齊仲可以諗稿。因為『硬料』(資料)就佢哋畀我哋,但係導演就想我哋用一個Friendly啲、傾計或者搞笑啲嘅形式去講啲資料畀大家聽。始終同Tiffany熟,就容易Jam到啲搞笑嘢出嚟。因為我哋平時都係咁樣傾計,Jam起上嚟就得心應手一啲。」

【3日2夜】陳約臨預俾連登仔評頭品足:佢哋講中晒我所有嘢!

去到土耳其,肯定唔少得食土耳其雪糕。唔知好唔好味呢。(電視截圖)

「投訴」出差沒有Tiffany同房一齊瞓

雖然整個土耳其行程劉穎鏇、江嘉敏都顯得享受又愉快,公司包齊機票食宿使費之餘又可以當作旅行,不過江嘉敏笑說,自己還是對劇組的安排有不滿。「我記得喺成個Trip入面係講咗一句好欠打嘅,就係:『我要投訴!』劇組問:『投訴啲乜?』我話:『我唔制吖!去咁多次Trip都係同Tiffany同房,今次冇得同Tiffany同房我唔制!』我都有同Tiffany講,佢又笑住好不稍咁講:『我先唔同你同房。』哈哈哈。」

更多精彩截圖:

+25
+24
+23


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。