【是咁的,法官閣下】被封NG王 港男黎振燁即律師上身:我認罪!

撰文:
最後更新日期:

台慶劇《是咁的,法官閣下》播出短短幾日,在劇情和選角等方面已經均獲觀眾力讚。劇中除了講述黃智賢和關禮傑兩位資深大律師亦敵亦友大鬥法,一班新晉律師包括黃子恆、黎振燁、林秀怡、梁烈唯、王梓軒和麥明詩的表現亦相當搶戲,當中飾演黃智賢徒弟黎振燁憑著高大帥氣的外形加上演技自然最受關注。

TVB早前就在facebook發布一段《是咁的,法官閣下》的爆笑NG片段,片中一向給人印象比較嚴肅的黃智賢,雖然是第三度飾演律師,但在庭上也難免食螺絲,NG時的表現亦出奇的可愛。而一班新晉律師就約定,NG一次就請食一餐飯。而黎振燁在同一場茶餐廳戲,頻頻失手,NG了至少5次才順利完成拍攝,過程相當搞笑。

NG王仲唔係你?(劇照)

+3
+2

黎振燁自認NG王 同時駕御幾個角色不容易

對此,黎振燁接受《香港01》訪問時就自認是NG王:「我絕對唔會否認呢個咁客觀嘅事實,但我都想辯護就係……我都諗唔到辦護啲咩。係,我係NG王,我認罪。(咩原因成日NG?)NG呢樣嘢,主要係我唔夠集中力就同對白無關,茜姐寫得好好。可能嗰期,我搵啲嘢賴下先,因為我同一時期拍幾部劇,角色性格都好唔同,亦都好大挑戰。咁在所難免令個專注力低咗啲啲,同埋好似真係好順咁接咗落去,原來我真係接錯咗,真係唔係。(請咗佢哋食飯未先?)我諗還晒㗎啦,七七八八,剩低嗰少少尾數,睇吓有冇續集先還啦。」

黎振燁稱在黃智賢身上偷了唔少師。(劇照)

笑稱王梓軒最冇潛質做律師!

黎振燁又透露劇中一班新演員亦相當玩得,整個拍攝過程亦令他很難忘:「玩到癲咗,根本上有唯唯(梁烈唯)喺度都唔會悶。加上全部人都比較玩得,所以都預玩到癲晒。(當中邊個最冇潛質做律師?)應該係…除咗我之外,就係王梓軒。因為王梓軒,做才子啦,做咩律師。講笑啫,其實個個都似嘅,我哋幾個都比較轉數比較快,最慢就係我,所以最冇潛質嗰個就係我啦。」

又關王梓軒事?(劇照)

獲提名「我最喜歡TVB男主角」:打咗支強心針

對於演技備受肯定,他就謙虛指:「好多謝大家咁客氣,我都盡力同埋我同Ben哥哥同子恆係最多戲,佢倆個都俾咗好多戲俾我,我都喺佢哋身上偷咗好多師。始終,觀眾接受就得喇,我係最大擔心觀眾接受唔到我做呢樣嘢,如果佢哋覺得OK,對我嚟講都係一種鼓舞。(有份提名「我最喜愛TVB男主角」星馬地區,有冇信心攞獎?)呢樣嘢好肯定我百分之一百有信心係唔關我事,咁新,你俾我都唔信啦,愚人節咩?不過,有提名就梗係鼓舞同強心針,多謝各方面咁畀面。但如果俾我揀就想Ben哥哥攞到獎,子恆攞我都開心,如果《是咁的》攞到最佳劇集我就最開心。」

拍攝過程大家都好玩得!(IG圖片)

被稱「翻版古仔」:可能大家都黑鼆鼆

另外,黎振燁由參選香港先生時直到至今仍不時被網友讚其外表有幾分與古天樂相似,對於「翻版古仔」這個稱號,他就自言倍感壓力:「其實好壞參半,好嘅就梗係似古仔一流啦,佢係男神同巨星級別,但我高攀唔起。壞事就係希望唔好有呢個包袱,雖然我本身冇,我都見到有人話我似嘅,真係有咁似咩?可能大家都係黑鼆鼆。」黎振燁曾透露參選香港先生前,曾一度想放棄做演員,如今戲份越來越多,演技亦備受觀眾肯定,總算飲得杯落,

大家又覺得似唔似呢?(IG圖片)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。