【周遊東京2】介紹煙花險被刪走 周奕瑋為一位港媽堅持播出
周奕瑋（Jarvis）主持的旅遊節目《周遊東京2》昨日（5日）首播，首集當然沒有令大家失望，節目內容跟上一輯一樣是水準之作，相信不少觀眾已經想預訂機票，即刻飛轉東京。而最新一集，Jarvis除了推薦三間炸物店外，還加入季節限定猛鬼的士、參加東京夏日激辛美食祭和帶大家去放煙花，跟實日本人去避暑。
相比起，猛鬼的士和激辛美食祭，放煙花這個項目的確不算太有「睇頭」，Jarvis更透露由於這次拍攝的內容比預期更豐富，幕後團隊更曾提出擱置這個項目：「今次拍咗嘅內容比我哋想像中豐富，其實好多都出唔晒。到後期製作嘅時候，發現真係太爆啦，我哋嘅團隊曾經有諗過將呢個Item Cut走佢，但我同編審就唔想放棄，真係好想俾呢啲少少資訊畀大家，所以我死都唔想放棄，係咁堅持，勁煩，最後大家都好好，執咗成個周遊東京嘅Rundown，而最後令花火可以出到。」
長谷川商店
地址：東京都台東区柳橋2-7-3
而當中令Jarvis一度堅持的原因，原來竟與一個港媽有關：「第一輯完咗，好多人都會用唔同嘅渠道問我關於日本嘅嘢。曾經有一個媽咪想帶小朋友去日本東京放煙花，可能大家都覺得喺條街有得買，咪放囉。但係個媽咪就覺得唔想犯規，驚有啲地方唔可以放，唔知邊啲地方放得唔放得，咁特登send message 嚟問。我覺得呢件事好好，起碼佢有呢個諗法，就係唔想打擾到人同犯規，咁我都搵咗好多資料，又問佢酒店喺邊，幫佢搵一個最近嘅地方放。所以，今次做花火嘅時候都好想將呢個資訊帶俾觀眾。」
介紹鮮為人知的地方當然吸引，但有時觀眾是否需要相信亦是Jarvis做節目時的考慮，難怪他會說：「其實好多嘢都係一個緣份，我覺得呢個節目講到尾，其實大家都有份去將一塊一塊拼圖，擺落嚟而出現。」Jarvis如此用心去製作節目，大家不妨多多支持。
今集最令Jarvis難忘一定是乘坐猛鬼的士，司機載着Jarvis等人於深夜時分遊走東京各個猛鬼地方，歷時1.5小時。司機還會用心演繹每一個靈異故事，聽到大家心都寒！
三和交通
價錢：每台的士¥8,500/HK$596（全程1.5小時）、¥33,000/HK$2,313（5.5小時）
至於日本最大型辛辣美食祭典「激辛美食祭典2018」，每年都會集結了許多世界各國擁有辛辣美食的名店，喜歡辛辣料理的人一定要去挑戰！
激辛グルメ祭り2018(期間限定)