【樓奴】許家傑拒做樓奴寧願同屋企人住:依家啲樓唔抵買

撰文:黃梓恒
出版:更新:

今時今日,香港地要有層樓真是不容易,如果並沒有家裡的幫助,一個普通打工仔要儲錢買樓,付完首期還要供足二、三十年,一生人的下半生便奉獻了在供樓上,成為「樓奴」。

許家傑今日出席劇集《兄弟》宣傳活動。(梁碧玲攝)

作為明星,表面風風光光,外人當然認為他們買樓易如反掌,事實又是否如此呢?許家傑在TVB打滾多年,最近終於憑「送水輝」一角彈起,但想買樓卻不是易事。他今日出席劇集《兄弟》宣傳活動時,接受《香港01》訪問,他表示:「我覺得依家啲樓唔抵買,當你一年搵二、三十萬人工,但一層樓幾百萬,可能你人生之後廿幾三十年都畀咗層樓。可能因為我住村屋又可以同屋企人住,我會寧願裝修過間屋都好過幾百萬買層樓。」

家傑表示自己同屋企人住。(梁碧玲攝)

至於自己會唔會做樓奴,家傑就話唔會喇:「我唔覺得自己係樓奴,我有一種心態,我做人比較享受人生嘅經歷,有人覺得有一層樓就係一個目標,我覺得如果俾我揀,我寧願要一個好嘅角色。我算幸福,屋企有地方俾我住,香港又寸金尺土,希望每個人都搵到自己嘅蝸居。」希望大家都可以用最理想嘅方法搵到居所喇。

家傑暫時都唔會諗買樓,拒做樓奴。(梁碧玲攝)