【跳躍生命線】跳躍F4透露可能變跳躍F5 郭子豪:馬神會加入

撰文:
最後更新日期:

因為拍無綫劇《跳躍生命線》而誕生的「樂壇新晉組合」跳躍F4四子:郭子豪、何廣沛、羅天宇以及張彥博齊齊出席該劇的演員飯聚。問到他們可會擔心觀眾同網民隨住劇集播完,會忘記他們,他們即笑言:「唔記得我哋係正常嘅。」其實他們這隊F4不會就此而消失的,並透露正與公司傾緊新Project,還可能會增加成員又或是加入其他元素。郭子豪說笑表示:「遲啲會加入馬神 (馬德鐘)變成F5。」他們都希望該劇可以拍續集,又想在萬千星輝頒獎典禮上獲獎,如果勇奪最佳劇集獎項,跳躍F4就會請食飯。

跳躍F4真係好搞笑,帶畀人好多歡樂。(葉志明 攝)

張彥博經常被問︰「你幾時死?」
提到該劇收視理想,張彥博表示:「開頭有啲驚㗎,會有壓力。」對於他飾演角色雄姐的死引起好大迴響,觀眾同網民都睇得好傷心好難過,令大家對呢套劇更加難忘,問到他可會覺得自己個角色死得好?他說:「死得好唔好就唔知,但係我未死之前,出街就成日畀人問我幾時死?死未?」此時郭子豪即打斷他說:「啲人係問你本人幾時死,唔係問你個角色,你誤會咗喇。」何廣沛就話:「所以係個美麗嘅誤會。」張彥博笑言:「我個角色死咗之後,啲人就話死得好呀。」

+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。