【火速救兵】力求真實港鐵站拍救人場面 導演:安排臨記走位最難

撰文:
最後更新日期:

由香港電台電視部和消防處聯手製作、以消防及救護員為題材的港台劇《火速救兵IV》,周六晚(10日)已播到第5集,踏入第三個單元 ──「守破離」。這一集與剛大結局的無綫劇集《跳躍生命線》一樣,以救護員的身涯為單元主題,正好彌補到香港觀眾在《跳》劇後段主打感情戲的失落。

故事初段主要圍繞主角「阿Lu」陸紫琪(梁雍婷飾)初出學堂、正式踏入救援生涯的心路歷程,由希望不斷實現自己「拯救生命」的偉大理想,經救護總隊目林非凡(林文龍飾)的輔導後改變心態;再由被家人誤解,到最後約5分鐘發生地鐵站內縱火事故,在短短22分鐘之內已道出救援員的日常和心態。

「我只係覺得我哋係救護員,唔係社工,更加唔係白的(用來駁腳)」──阿Lu陸紫琪首日救護生涯的一句心聲,上司林非凡(林文龍)回覆:「我哋做呢行呢,唔係一定要做大嘢先至得嘅。」(受訪者提供)

黃大仙港鐵月台取景 僅6小時拍攝

今次《火》劇除了得到消防處全力支持拍攝之外,還得到港鐵首肯,借出場地讓劇組實地拍攝,大大增強了劇集的真實感,而對上一次港鐵借出拍戲場地,已經是電影《寒戰II》。

由於拍攝場地是一個真實的港鐵站,所以劇組只能在凌晨時份到場拍攝,為期兩晚,除了真正開機拍攝之外,還有set場、預演、撤場的時間,拍攝工作可謂分秒必爭,真正拍攝時間合計只約6小時。

但限時限刻,已非導演范因明最大挑戰,而是走位以及畫面:「因為時哋事前都做足準備功夫,我同副導演、攝影師都去過實地幾次去度啲演員嘅走位,機位等等。同埋港鐵都好好,雖然我哋係要個地鐵站閂晒先可以真正去Set嘢拍攝,但港鐵都安排咗站內嘅一個角落頭畀我哋去做預備、集合同埋集會。而最難嘅係點樣安排臨時演員嘅走位,因為我哋人手有限,得30、40人,但要拍到有幾百人嘅效果。」

范因明導演:「林文龍着起套制服,就已經係一個救護員咁嘅樣。」(受訪者提供)

拍攝前要向臨記講清楚 導演:唔係佢哋會好似喪屍!

范因明說:「所以我哋要話畀佢知佢哋要做啲咩,要有內心嘅劇情,例如約咗人食飯,所以要打電話同朋友或男女朋友或屋企人交代,總唔能夠個個都拎部電話出嚟影嘢。」

正如星爺周星馳在《喜劇之王》中所說:「臨時演員都係演員。」雖然范導未有為每一個路人都設計角色背景和性格特點,但為免他們「扮打電話」,他在正式拍攝之前會向臨時演員灌輸部分思想,務求令他們不至為做而做。

其次就是安排走位。在地鐵站內,雖然範圍未算太廣闊,但始終人手有限,臨演人數只約40人,所以范導要求他們帶上幾套衣服,甚至眼鏡、帽等飾物,在拍攝不同場景時換上不同衣服,再配合走位(移動方向)和站位,營造四周都是途人的效果:「港鐵站內發生事故,有啲人會離開,但有途人又會喺現場逗留,走咗嗰啲又唔可以再返嚟,所以走位安排好緊要。」

其實喪屍亦只是形容詞,范導打從心底多謝一班臨時演員,亦感激由民安隊、紅十字會以及香港大學學生會校會電視的一班義演,因為那兩晚實在非常辛苦,全靠他們的專業和配合才能成事。

+2
+2
+2

最看不過眼事發後只顧拍片的人

「守破離」(下)將會承接港鐵縱火案,繼而還有一宗關於巴士的大型車禍,屆時的劇情會更加緊湊,更能展示到救護員現場的反應和環境。但除了將真實救護員的工作透過劇情包裝、用鏡頭和演員去表達出來之外,范導亦在支節間滲入個人情感:「有時睇返啲真實意外片段,死傷者當然令到我傷心,但最令我唔舒服嘅,係有好多人圍喺旁邊,不斷咁樣影嘢,我會諗,一係你就幫手,一係就走,唔好阻住消防員同救援員做嘢。」而這個意想,在「守破離」第一場林文龍下山救人時已經開始灌輸,在地鐵縱火事件上亦再次出現。

林文龍救人怒罵傷者友人:

+9
+9
+9

梁雍婷衝入現場救人遭到「路人攝影師的妨礙」

+3
+3
+3

范因明亦讚無綫劇集《跳躍生命線》是優良製作,更誇獎對方拍攝救護的工作比自己更加細緻。(《跳躍生命線》劇照)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。