【公子會】容祖兒失聲期間曖味對象突然消失? 背後原因超sweet

撰文:
最後更新日期:

由森美、火火以及劉翁主持的電台節目《公子會》經常邀請不同圈中好友分享感情生活,而今集竟邀請到樂壇天后容祖兒駕臨!當大家都以為Joey會談及到有關劉浩龍之時,然而她卻將重點放在「咸豐年」的愛情史上。而其中一段是講到2001年Joey曾經因為聲帶發炎而失聲,她透露當時有一位與自己曖昧的對象,經常「煲電話粥」,她謂:「我記得我喺新加坡同佢傾電話嘅時候,我自己好開心,仲喺張床度碌嚟碌去。但當時我有一段時間,2001年,我聲沙失聲,跟住佢直情消失,係消失呀,點解會咁嘅呢,明明傾得好地地。」

(Facebook)

之後Joey曾經試過聯絡對方,但對方卻不回覆,令Joey一度感到非常迷茫。但在Joey康復之後,對方又突然現身,講了一句說話,令Joey原諒對方之餘,更非常感動:「佢同我講:『你終於好返喇?我哋可以繼續傾電話喇。』係咪好sweet呀?」此話一出,令在旁的森美、火火以及劉翁都拍案叫絕,大讚對方為不希望Joey聲帶傷勢惡化而停止傾電話的舉動超甜蜜。其實在失聯之初,Joey曾經覺得對方很兒戲,但過了約一個月之後聽到對方如此窩心的解釋,卻令Joey為之融化,期後更與對方成為情侶!

容祖兒講得超興奮。(Facebook)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。