咁靚都冇大學同學吼? 林愷鈴:我鍾意男仔有才華

撰文:
最後更新日期:

林愷鈴昨日(21日)出席時裝品牌活動。談到時裝品味,她接受訪問時直言現在開始入冬,喜歡穿有層次感一點:「可以熱嘅時候又除,凍嘅時就着,咁樣會方便少少。」好多後生女都「抵冷貪瀟湘」,現年18歲的林愷鈴卻指自己不是這種「愛靚不愛命」的人:「我以前細細個會着好少,但而家唔會了。」

講到她入港大讀建築系已經有一段日子,她直言因為藝人身分,所以上學時候都要顧及形象:「我中學時候求其,少少化妝都唔會化,但而家入到大學真係唔得,點都要梳梳頭先返學,唔係會好樣衰。」問有否男同學追?仍然單身的她笑說:「冇喎,大家都學業為先,大家相處都係普通,不過我都聽好多人講過讀大學一定要拍拖,但我又冇讀大學一定要拍拖,拍拖有就有、冇就冇,咁當然有就最好。」至於擇偶條件,她坦言喜歡男生有才華,自己不是「外貌協會」成員。

林愷鈴指自己在大學見到好多同學每日都會打扮好靚返學,所以一定唔可以求其。(葉志明攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。