【萬千星輝賀台慶】表演彈鋼琴江嘉敏冧爆 黃建東:佢叫我愛人!

撰文:朱奕錦
出版:更新:

藝人黃建東自8歲起開始學鋼琴,日前能夠在《萬千星輝賀台慶》節目中的「臥虎藏龍」部分表演彈琴,東東表示非常興奮:「對上一次喺TVB大型節目彈琴已經係2011年香港先生選舉嘅才藝表演,最近兩年已經冇掂過部琴。今次為咗台慶練咗一個星期,好彩琴技冇生銹到。」

江嘉敏有拖拍 黃建東「愁爆」:咁我點算?

原來好多同事除了不記得東東是港男出身之外,大部分人都不知道他懂彈琴,所以看完之後好驚訝。最搞笑的是,江嘉敏話從來無見過男仔彈琴,看完東東的表演之後話愛上了他,但東東卻哭笑不得:「新晉女神睇完我彈琴之後話愛上咗我,仲叫我做愛人。但佢啱啱宣布咗有男朋友,咁我點算好?」東東坦言很欣賞江嘉敏這類平時大癲大肺但又很有才華的女孩子,期待可以再跟她一起彈琴及拍劇。

東東日前在台慶表演彈鋼琴,令第一次看男仔彈琴的江嘉敏「傾心不已」,東東也表示很欣賞好似江嘉敏這類性格爽朗有才華的女生

連拍兩套劇 台慶後瞓一個鐘即開工

東東最近忙於拍攝《機場特警》同《黃金有罪》兩套新劇,台慶完後第二朝早5點又要返TVB開工,所以索性在公司過夜:「如果第日太早開工真係唔係好瞓到,因為好驚自己唔知醒,台慶嗰晚12點幾先收工,所以寧願喺公司過夜穩陣啲。」東東還說過夜最緊要帶備三寶:毛巾、牙刷和拖鞋,但最尾因為要玩「汪阿tag」,所以就算在公司瞓都只瞓得一個鐘左右。

東東當晚同江嘉敏、張寶兒一齊表演彈鋼琴,完show後還玩「汪阿tag」,搞到在公司瞓也只瞓了一個鐘。
你可能感興趣