高海寧加入TVB十年：無藉口再話自己係新人
撰文：趙允琳
出版：更新：
TVB今日（22日）舉行《長期服務暨傑出員工榮譽大獎頒獎典禮》，答謝223位為TVB服務多年的台前幕後員工，高海寧是其中之一。她於2008年參選香港小姐後加入TVB，不經不覺都已經在TVB工作十年，笑稱時間過得實在太快：「我入行嘅時候係一舊飯！好開心可以喺一間公司做十年，我覺得係好難得嘅一件事。基本上我將我所有嘅時間同青春都擺咗喺呢度，而且都成長咗唔少，但係就以後無藉口再話自己係新人啦！」
高海寧因參選《2008年香港小姐競選》後加入TVB，過去十年間試過拍旅遊節目、飲食節目，亦有拍很多不同類型的劇集。（陳順禎攝）
近年高Ling亦接演越來越多戲份重的角色，來年更有四套劇出街，她表示受寵若驚：「如果下年佢一次過播四套，就好似四個BB同時出世咁！點都好，我只係希望觀眾可以畀到一個肯定，咁我已經會好開心㗎啦。」下年播出的四套劇之中有兩套都擔任第一女主角，其中高Ling說特別喜歡自己在《金宵大廈》中的角色，是一個8歲兒子的媽媽，因為自己很喜歡小朋友，所以拍攝時付出了很多真感情，特別容易投入。
下年有四套劇出街，高Ling說自己非常期待2019年！（陳順禎攝）
往後的十年的高Ling應該結婚了？她直言：「另外嗰十年如果再唔發生，我驚無得發生！不過無得心急嘅，而家最重要都係工作。」
+7
+3