【是咁的,法官閣下】林景程人氣急升 網友提議開《布大狀外傳》

撰文:
最後更新日期:

黃智賢、關禮傑和王君馨主演的台慶劇《是咁的,法官閣下》,播出以來口碑不俗。劇中除了有不少改篇真實的案例外,亦把新晉大律師風光背後的辛酸血淚完美呈現。當中飾演布大狀(阿躉)的林景程,在劇中熱心助人又單純的他不單被師爺剋扣其微薄的律師費,更要住劏房,但他精湛的演技受到不少好評,更有網友提議開拍《布大狀外傳》,想必更有睇頭!

八千蚊的律師費被壓到只有五千蚊。(電視截圖)

點撃下圖睇布大狀被壓過程!

+23
+23
+23

林景程接受網友意見 考慮開拍《布大狀外傳》

對於角色大受歡迎,林景程都表示感謝大家:「多謝晒佢地,其實都證明編審茜姐同監製Andy塑造阿躉塑造得好好。我都有留意一啲網友留言,真係好多謝佢地有留意住阿躉嘅成長,可能阿躉真係太慘,而且我個樣唔出聲又天生傻傻地咁,所以大家都覺得我特別陰公,總之代阿躉多謝大家。」對於有網友稱很想見到阿躉最後成為一名成功的大狀,他就笑言:「呢個好難!阿躉唔係一般純品,劇內唔講先,我自己覺得現實生活呢啲純到咁嘅大狀,又冇機心,好難生存。」至於會否真的考慮拍《布大狀外傳》,他就笑言:「有得諗!我都好鐘意自己拍嘢,等我收集吓大家希望放啲咩情節入《布大狀外傳》先。」

布大狀在劇中純情又帶點可愛。(劇照)

三次飾演律師 林景程望演出有突破

林景程入行9年來,不時都會飾演專業人士,單單是律師就飾演過三次,包括:《四個女仔三個BAR》飾演律師「齊安居」一角、《三個女人一個「因》飾演大律師「白保運」和《是咁的,法官閣下》飾演大律師布仲謙。問到演律師經驗豐富,是否更容易駕馭角色時,他就稱:「其實仲難,因為做幾次都係唔同性格嘅大狀,想幾次都有唔同嘅野,唔想觀眾睇到阿躉諗起白狀或阿居,所以都花左啲功夫去幫自己角色洗左陣『底氣』。例如每次都會諗,以前有冇咁做過呢個表情或者咁講過對白,如果有就盡可能用其他方法,盡量等佢冇左以前啲味道,反而多咗好多功課準備。」

網友希望布大狀最後能成功!(電視截圖)

+4
+4
+4

曾夢想成為律師:好在成績唔夠好做唔到!

林景程亦慶幸自己的演藝路比布大狀的律師路易行得多,他笑言:「阿躉慘過我好多,佢冇錢就真係冇人幫,冇第二條路,要不停去搵方法搵錢生活。而我本身都有份物理治療,返TVB又出住糧咁畀我學演戲,最起碼我唔使住劏房先啦。(咁TVB份糧夠唔夠生活?)睇你點生活,我幫補到嘅。但如果淨係靠TVB份糧,真係要住劏房㗎!(拍之前係咪冇諗過做律師咁辛酸?)其實我哥哥都係做大狀,之前《四個女仔三個bar》問佢意見,都聽聞過大狀唔係個個都風光,不過冇深入去問,但冇諗到慘成咁。其實細細個都諗住做律師,好在讀書成績唔夠好,做唔到!」

(IG圖片)

自覺演技需磨練 林景程最想挑戰喜劇

林景程又自覺拍完今次《是咁的,法官閣下》,覺得自己還有好多方面要磨練,所以暫時的目標是希望有更多的演出機會:「其實好多角色想做,但真心好想再演喜劇,因為好鐘意演喜劇。但不過做咩都冇所謂,最緊要有戲做同埋希望大家再睇到我演出時都會睇得開心。」

+19
+19
+19


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。