【救妻同學會】黃美棋李任燊海報無份？ 監製關樹明：有人誤會
撰文：趙允琳
出版：更新：
TVB青春偶像劇集《救妻同學會》今晚（25日）開播，日前率先公開的宣傳海報上十位男女主角十人十色，青春氣息滿瀉！但有傳按照原來計劃是不打算放黃美棋和李任燊在海報上的，只是後來「爭取」成功才能夠讓他們「團圓」。
李任燊可謂是電視劇新人，平時拍開電影的他表示就像一下子拍了八套電影一樣，對他來說是一大挑戰。（梁碧玲攝）
李任燊未聽聞此事
李任燊（Kyle）在參演《救妻同學會》前主力演出電影作品，因《救妻同學會》才加入TVB，對於海報被「飛起」一事，他並不知情：「我就無聽過呢件事，因為去到拍攝中後期已經收到消息要做宣傳、拍攝海報等等。但出到嚟我都好開心見到成個畫面整個海報，無論印喺backdrop又好，印喺leaflet又好，好靚啊真係！我哋拍完都好好朋友，所以可以喺網站上面見得返一班人一齊嘅畫面，對我自己都係一個回憶。」
而黃美棋雖然童星時期幫TVB拍攝過不少戲集和節目，但她在去年才正式回巢，在TVB還未有地位？她也表示未聽過此消息：「我真係無聽過喎！因為我哋拍完之後就即刻拍海報，係十個人齊齊整整影㗎！」
黃美棋多年後首度為TVB拍劇，她表示一開始很緊張，但與劇組熟絡後拍攝都非常順利。（梁碧玲攝）
監製關樹明：有人誤會
監製關樹明表示傳聞並非真實，由計劃一開始就已經定好是這十位主角影海報的：「其實一路都係預計十個嘅，太多人就要睇返個設計，但呢十個就正正係青年宿舍同一個樓層嘅五男五女。」他指有這樣的傳言可能是因爲溝通上有誤會：「美棋係喺TVB第一次正式拍劇啦，任燊都係，可能有啲人誤會咗『咦？佢哋第一次拍劇有無海報影㗎？』你而家咪見到有囉！」
有傳宣傳海報上黃美棋和李任燊本來被飛起，《香港01》記者找來監製關樹明親自回應，他表示絕非事實，可能有人誤會了。（資料圖片）
+4