內地音樂頒獎禮奪獎　Super Girls孖余香凝返酒店開「睡衣派對」

女子姐合Super Girls與同公司的余香凝（Jennifer），近日到廣州為她們的新歌到當地電視台宣傳，前晚（24/11）於廣州舉行的「第五屆粵語歌曲排行榜頒獎典禮」獲獎，而Super Girls就奪得「最受歡迎組合獎」，Jennifer則獲頒「最受歡迎新人獎」。

在音樂方面，首次於內地宣傳的Jennifer表示特別開心︰「第一次在內地拿到關於歌曲嘅獎，之前只有電影作品畀內地粉絲睇，佢哋喺微博留言話好鍾意，而今次第一次有歌有獎係好開心，希望下年都可以唱多啲好歌，或者嘗試創作國語歌。」Jennifer亦笑言能與Super Girls到內地宣傳勁有口福，因為Super Girls有之前因為宣傳而去過廣州，所以她們就帶Jennifer去不同地方食好嘢，她直言回港後繼續努力減肥。

另外，今次內地宣傳之旅，當地的電視台還為11月中生日的Super Girls成員Jessica補祝生日。眾人除了四圍「獵食」外，Super Girls還買當地的地道美食回酒店，與Jennifer一起開「睡衣派對」，Cheronna表示︰「今次好好玩，之前都係我哋5位成員一齊玩，今次有埋Jennifer。原來佢跟我哋一樣，都係食唔停。」Jessica還大爆Yanny在房內被食物嚇親︰「我哋買咗一整隻清遠雞食，不過Yanny睇到後就唔想食，佢話隻雞望住佢，最後搞到大家都好驚，唔敢食。」