【女人四十】正式約滿ViuTV 阿旦唔抗拒簽TVB:錢未必係最重要!

撰文:
最後更新日期:

田蕊妮主持的節目《女人四十》播出以來,受到不少女性觀眾熱棒。最新一集,田蕊妮就邀請34歲阿旦(鄧洢玲)和化妝導師Gaby一同到內衣店尋找最適合自己的Bra。但不少觀眾看見阿旦上節目,一度以為自己眼花,分不清自己在看TVB還是ViuTV。

阿旦現身TVB,網友表示驚訝!(電視截圖)

+7
+6
+5

阿旦曾是施念慈旗下的模特兒,2011年參加參加now TV舉行的「CEO選拔賽」得到亞軍,之後正式加入now TV做藝員,主要幫Now觀星台做主持。2016年開始,阿旦兼埋ViuTV嘅工作,並主持《的士Go》和《晚吹- 啪啪聲,太好聽》等節目,ViuTV主持的形象在觀眾心中根深柢固。阿旦接受《香港01》時透露自己已回復自由身,她稱:「其實我自由身咗成年,上年3月已經無約喺身,但因為仲有啲節目未完,就轉用部頭約方式合作,但都係去到7、8月左右。(同ViuTV合作咗幾耐?)由now開始計都五年左右。」

正式回復自由身。(IG圖片)

阿旦仍是不少宅男心中的女神。

至於為何要離開ViuTV,阿旦就坦言不想再框死自己:「其實近年我都嘗試做唔同嘅工作,好似開按摩店做生意,又出錢請crew拍旅遊片擺上YouTube,嚟緊都會拍一啲同足球有關的節目,亦都會同內地網絡平台傾合作。(會唔會唔捨得娘家?)點講好呢,喺娘家有自己節目,仲有機會做唔同合作係好事,但我覺得自己要進步,依家都度緊搞Talk Show同出旅遊書。(咁忙咪冇時間拍拖?)以前就係花太多時間拍拖,人生目標淨係想結婚生仔,所以依家會花多啲時間喺工作上。」

阿旦不時會向粉絲派福利。(IG圖片)

+5
+4
+3

問到與田蕊妮是否相熟,阿旦就稱:「又唔算超級熟,互相認識。不過拍呢個節目之前我哋都有出嚟開過會,傾咗好多關於女性角度嘅問題。(試Bra怕唔怕尷尬?)唔會,都拍得好自在,而且有得同唔同嘅平台合作好開心。(會唔會想轉簽TVB?)有機會合作當然開心啦。(怕唔怕人工低?)睇發揮機會,錢未必係最重要。」

如果有得揀...寧願做有身材定有智慧嘅女人? 阿旦答案係: Y not both? (IG圖片)

+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。