梁靖琪與男友做義工當拍拖 為柬埔寨雛妓經歷落淚
撰文：李文偉
出版：更新：
梁靖琪（Toby）早前應國際慈善團體AIM（Agape International Missions）邀請，與拍拖一年的圈外男友Jon齊齊到柬埔寨探訪曾被賣到妓寨的女孩。此行令Toby留下深刻印象，決定以行動喚醒大眾關注，支持孩子重過新生。
Toby與男友齊齊粉飾安全屋的牆壁。
Toby指男友Jon一向善心滿載，平日拍拖亦會帶她去做義工，今次亦是經男友認識到有關慈善團體：「Jon一向好有愛心，喺佢介紹下我接觸到AIM，今次仲同一班教會朋友一齊到訪位於柬埔寨嘅安全屋。其實我哋去過不同地方，今次係最有意義嘅一次，因為可以學到好多嘢。親眼睇到小朋友嘅經歷之後，我哋兩個都好想做更多，畀多啲愛佢哋。」
Toby大讚男友認真時好有型。
柬埔寨的安全屋內住滿了被救出的雛妓，聽到她們的故事時，Toby亦不禁眼紅：「之前聽過有啲兩歲嘅小朋友被父母賣初夜，今次見到安全屋入面最細嘅小妹妹只得三歲，覺得好心痛，諗到我周圍嘅契女、姨甥仔，覺得我哋真係擁有好多、好幸福，所以每晚我哋圍埋食飯討論時，都忍唔住流淚；臨返港前亦好唔捨得，攬住男朋友係咁喊，希望以後一年去一次，幫到佢哋更多。 」
小朋友都有幫手粉飾牆壁。
Toby除了探訪外，更參與了宣傳工作，她透露稍後將以女童的手製作品結合成福袋，為他們籌得更多資金：「有能力幫人係一件好幸福嘅事，為朋友準備聖誕禮物嘅同時，可以做埋善事，將愛分享開去，自己都會開心。」