廖子妤當深水埗街頭係時裝舞台:我喺呢度仲生活過!

撰文:
最後更新日期:

廖子妤(Fish)與同公司的男模劉志偉早前為本地設計師擔任模特兒,到深水埗街頭拍攝一系列宣傳相,宣傳即將在街頭舉行的Fashion Show。Fish表示:「佢哋設計嘅服裝好靚,本地設計師嘅作品,我好榮幸可以演繹佢哋嘅作品,而且喺香港特式地方取景,呢度保留咗好多舊式建築,加上有好多老店,好有香港嘅感覺。」

廖子妤(Fish)與同公司的男模劉志偉早前為本地設計師擔任模特兒。

對於今次主辦方將熟悉的香港街道幻化成超現實時裝舞台,Fish感覺相當特別,她直言對深水埗有很大情意結,她表示︰「我對呢個地方並唔陌生,頭幾部電影作品都係喺度取景,而且自己初初來港發展嗰陣,我喺呢度生活過,今次重遊舊地拍攝,有好多回憶。」

廖子妤曾在深水埗生活。

拍攝當日Fish穿上三套不同的服裝,穿梭深水埗鴨寮街的檔口,吸引不少途人圍觀,Fish表示︰「雖然睇到途人圍觀,起初都會有啲緊張,但我做咗模特兒和演員一段時間,已習慣喺眾人面前拍攝嘅感覺,只要一埋位就可以投入。」

至於離開香港5年往內地工作的劉志偉,則指今次返港拍攝感覺很新鮮,在蛇店拍攝更是最為非常難忘︰「我唔係第一次食蛇羹,不過同蛇拍攝都係第一次,開頭真係有啲驚,不過啲蛇好乖,好乖咁完成拍攝。」

離開香港5年往內地工作的劉志偉指返港拍攝感覺很新鮮。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。