被指搞大女fans個肚 黃子恆現身回應:同對方年半冇見面!

撰文:
最後更新日期:

現年36歲的TVB小生黃子恆兩年前曾因介入歌手裕美婚姻而令其形象受損,難得最近憑劇集《是咁的,法官閣下》中演律師賴澤明,令他再次人氣急升。日前,他竟被爆出搭上內地一名女粉絲,二人兩度發生性行為後,女方之後更懷孕,腹中BB現已4個月大,黃子恆卻一直玩失蹤,女方無奈下向傳媒爆料,揭發黃子恆的渣男行徑,報道更指黃子恆承認與對方發生關係,更自稱有做足安全措施。

黃子恆今日照為新劇開工。(電視截圖)

+7
+6
+5

黃子恆今日(5日)到荃灣為新劇《機場特警》開工,被大批傳媒追問此事,他稱:「其實我想講嘅嘢好簡單,呢年半我冇再同佢見面,所以如果佢講嘅嗰件事有發生,我一會負責任,但呢年半已經冇再見過面。(其實成件事嘅來龍去脈係點?)我要回應嘅回應咗,麻煩你哋。(會唔會因為呢年事搵返佢?) 我要回應嘅回應咗。」被記者再追問為何事隔年半之後才有這個舉動,黃子恆只抿一抿嘴,表示無奈。

黃子恆只抿一抿嘴,表示無奈。(電視截圖)

飾演律師更被讚氣質十足!(IG圖片)

被問如何面對這件事,黃子恆沉默數秒後稱:「被我冷靜吓先!記者再提到佢之前話驗DNA一事,他稱:「如果有需要,我會配合。」他又稱公司正在了解這件事。

此事,令不少fans表示失望!(IG圖片)

+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。