迪子爆黃子恆撩去九龍塘 開房玩「人魔大戰」：之前覺得佢好正經
撰文：鄺鈺瑩
出版：更新：
近年備受公司力捧嘅黃子恆，前日先爆出與內地粉絲發生性行為後，女方懷孕但男方玩失蹤，準備入「雪櫃」前夕，黃子恆再被爆於去年底先後三次在WhatsApp約歌手迪子去佢屋企「提供服務」，而另一段錄音內容，一把疑似黃子恆嘅聲音，在問迪子的檔期，並提到「睇下有咩搞，凍凍哋」。
迪子之前為拍MV全裸上陣。
WhatsApp截圖流出後，迪子接受《香港01》訪問時，表示與黃子恆認識多年，一直都覺得佢係個好正經嘅人，並指對方一直都無追求過自己，所以當黃子恆突然提出「提供服務」一事，迪子曾感到不快，並認為黃子恆只係想「一夜情」。
黃子恆入行18年，雖然介入過歌手裕美婚姻，但公司仍給予機會，《味想天開》、《降魔的》、《是咁的，法官閣下》都有勁多戲份，不過相信《機場特警》可能係佢告別之作。
於二人對話中，迪子曾對黃子恆表示「你屋企個琴喺床尾」，問到點解會知道床嘅擺放位置，迪子就話：「佢有跟過我學彈琴，地點喺佢屋企」，原來迪子早就已經去到黃子恆屋企提供過教學服務，但過程中，是否迪子嘅琴技令黃子恆產生無謂嘅遐想呢，迪子就話「無諗，除咗做音樂好少用個腦」。而原來除咗「提供服務」之外，黃子恆於去年10月底，曾提議迪子「搵個地方人魔大戰」，並指「其實而家出面啲細酒店都好平，但我驚我咁夜先入去佢要我身份證登記。」最後更直接提議去「九龍塘」。
+1
「提供服務」事件曝光後，相個唔少人都會問「邊個係迪子？」，原名林柏迪嘅迪子，自細開始學琴，曾組成本地獨立樂隊「1DOUBLE3」，曾推出人EP《愛‧幻想》，可惜星運麻麻。去年迪子於韓國旅遊時跌倒，情況嚴重到近乎毀容，原要花十萬元修補牙齒，幸獲當地整容醫院協助，除免費整牙外，佢仲順手進行埋整容手術，佢之後仲以歌曲《美哉》鼓勵自己。
+14