【兄弟】伍允龍NG對白全場爆笑 「互相通識」即係點解?

撰文:
最後更新日期:

劇集《兄弟》中有不少打鬥畫面及懸疑劇情,飾演拳手的伍允龍(Philip)將大量動作場面帶到觀眾面前,有速度有勁度,難怪劇集播出後人氣急升,觀眾更從他身上發掘更多話題。TVB的Facebook宣傳頻道近日將《兄弟》中的NG位剪接成片段作宣傳,身為「竹昇仔」的他NG對白勁爆笑!

伍允龍打戲大家都收貨,講對白又滿唔滿意?(《兄弟》劇照)

雖然楊明、王浩信以及「陰謀情人」鄭子誠都不慎「爆肚」,但Philip竟佔了片段中絕大部分,可說是《兄弟》中的NG王。而Philip與朱晨麗在車上的一段對戲中將對白「斬件上」,若果將Philip口中整段對白組合,便會成為「只係想搵辦法埋應金培身搵證罪,有咩移動就記住互相通識」,相信會是最難的閱讀理解題,拍檔朱晨麗亦「冇面畀」笑到流淚,大家不妨睇片諗諗Philip講緊乜。

Philip估唔到NG片令大家鍾意睇佢搞笑。(See See TVB Facebook)

到底這段對白是否考起了這位「竹昇仔」?Philip接受《香港01》訪問直認有難度:「因為這場戲是飛紙仔,臨時才收到劇本,會比較有挑戰啲,係靠現場朱朱同工作人員讀對白我聽,見到佢哋笑得咁開心,證明佢哋都唔太介意教我。」Philip指日常拍攝時收到劇本便會開始準備,最常請身邊家人朋友讀劇本,遇到新字便一個個寫下拼音。辛苦多年,最近發現「讀稿神器」教他讀對白:「最常麻煩媽咪,不過我最近發現一個軟件,可以畀圖佢就會跟住讀,希望會再有進步啦!」

Philip指對白好多時要自己記低拼音。(《兄弟》截圖)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。