三台主持一齊創業 極速打入內地巿場:把握機會不如創造機會

撰文:
最後更新日期:

三個不同電視台背景的主持,點解會走埋一齊?一齊創業又是否咁容易?來自有線的嚴崇天、TVB尤蔭蔭和ViuTV羅沛琪,三個來自不同電視台的主持,最近一齊成立口才訓練工作室,除了本地市場,更在短時間內成功打入內地。

來自三間不同電視台的主持,羅沛琪、嚴崇天和尤蔭蔭一齊創業。

工作室主要提供演講、說話技巧、主持、企業培訓、形象管理等服務,近日成功打入內地市場,已於佛山開設辦公室,將於惠州和廣州落地。「其實一開始都有啲擔心,但我哋將香港主持風格帶到內地,得到政府同企業老闆讚賞,好有滿足感,想令更多人知道香港人靈活變通、有強烈個人風格特色!」前有線主持嚴崇天說。

三人將香港主持風格帶到內地,得到不少讚賞。

很多人都很好奇來自三間電視台的人,點解會一齊創業,羅沛琪說:「其實係因為大家理念一致,做幕前太被動,要等人比機會。」他們認為,機會有三種層次:等待機會、把握機會同創造機會,等待機會比不上把握機會,把握機會比不上創造機會,嚴崇天說:「我哋想主導件事,創造更多機會!」

把握機會不如創造機會!

三個人合作,各有優缺點,可以互補長短,尤蔭蔭說:「我地三個絕對係鱷魚頭,老襯底,個個做嘢好似好精明,但其實好多蝦碌嘢。」嚴崇天做事勤力盡責,普通話非常流利,但工作以外的生活智商係零,去一次惠州,唔小心漏低個袋三次,認真大頭蝦;而蔭蔭雖然有一副resting bitch face,但其實為人平易近人,而且留學美國的她,英語流利,負責英語相關工作;羅沛琪出名mean得嚟有急才,但其實mean 人的同時亦mean緊自己,會成日覺得做得到係本份,做得好係應份,所以工作好上心,要準備的資料永遠backup N 份,又會變人肉鬧鐘,提醒大家不要遲到。

三人各有所長,互補不足,在極短時間內做出亮麗成績。

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。