【義不容情】劇情需要黃日華狂玩摺紙 黃芷晴：我諗佢係用嚟減壓
撰文：趙允琳
出版：更新：
黃芷晴（Adrian）今日（11/12）出席護膚品牌活動，她表示自己自小被媽媽教導護膚的重要性：「佢比我護膚方面再落力啲，我可能只係佢嘅十分之一，所以佢嘅皮膚都Keep得好好。」踏入冬季，Adrian稱化妝時會加強眼妝部份，多用有閃粉的眼影，以及搽冬天最流行的豆沙紅色唇膏。
黃芷晴（Adrian）稱平時護膚最注重卸妝和皮膚的清潔，最好一星期要做磨沙一至兩次去除皮膚的污垢和老角質讓護膚產品更吸收。（陳順禎攝）
黃日華代表作《義不容情》（1989）最近重播，問女兒Adrian有沒有收看？「其實我之前冇睇過，因為我未出世！」她指看到爸爸30多年前的作品覺得很搞笑：「我係咁笑佢點解27歲可以咁老成嘅講嘢，同而家好似冇乜點變咁！個樣有少少變咗，但講嘢嘅語氣同動作都同而家冇分別！」
她笑指爸爸黃日華私藏了自己所有作品的錄影帶，周不時都會在食飯時強逼她和媽媽一起觀賞。（陳順禎攝）
爆家父黃日華對摺紙玩意超着迷
黃日華於《義不容情》中有一段經典的「摺幸運星」戲碼，講述丁有健（黃日華飾）因為要到中東發展3年，倪楚君（劉嘉玲飾）於是摺了一樽幸運星，一粒星能夠保佑他一天，一樽幸運星的數量足已庇護他3年，結果當時掀起一股摺幸運星熱潮，這段劇情，將於第33集出現。
Adrian說爸爸現實中沒摺過幸運星，但卻曾經對摺紙超着迷：「我諗佢係用嚟減壓！我收過佢摺一個立體嘅菠蘿，好得意嘅，佢摺到成個櫃都係，可能佢嗰排鍾意一樣嘢就會整好多出嚟，前排佢鍾意Lego又砌咗成個櫃出嚟！」平時喜歡手作的Adrian笑稱自己應該是遺傳於爸爸的手藝：「我哋全家都係工廠女工，我鍾意整首飾啦，佢又鐘意摺紙，以前佢仲試過穿珠，媽媽以前鐘意插花！」
Adrian說自己最喜歡鹿，所以在聖誕派對上至少都要準備一對鹿角應一應節。（陳順禎攝）