【Yahoo人氣獎】大小姐送水輝奪熒幕情侶獎：係網民幫我哋諗出嚟
撰文：賴家杰
出版：更新：
由雅虎香港主辦的「Yahoo搜尋人氣大獎2018」今日（12日）在尖沙咀文化中心舉行，在無綫處境劇《愛·回家之開心速遞》中飾演龍力蓮（大小姐）的林淑敏，和飾演宋瑞輝（送水輝）的許家傑榮獲「人氣螢幕情侶獎」，林淑敏亦以個人名義獲頒「人氣電視女角色」。林淑敏受訪時表示：「多謝《愛·回家》，但其實我哋只不過係一個代表，多謝網民咁鍾意，呢個除咗對我哋係一個鼓勵之外，亦都係對《愛·回家》團隊嘅支持。」許家傑亦多謝網民賦予稱號：「我哋嘅標籤係大小姐，送水輝或者係蓮輝咁樣，所以令大家都好容易記得我哋，其實蓮輝都唔係我哋自己諗出嚟，係網民幫我哋諗連輝戀。」
大小姐嘅心願唔係攞獎，係希望可以繼續做《愛‧回家》！（葉志明攝）
為「萬千星輝頒獎典禮」打強心針？
「無呀，平常心，有提名都已經係水準肯定，」林淑敏續說：「公司『最受歡迎電視拍檔』我睇好歐瑞偉同李偉健、曹永廉同蕭正楠。我自己都有睇F4，所以點排都排唔到我同送水輝！」不過其實二人最希望是長做長有，目標是打破經典處境劇《真情》超過1千1百集的紀錄，許家傑謂：「做多兩年左右就可以喇！」
點排都排唔到你哋？大小姐會唔會謙咗啲呀？（葉志明攝）
+8