【拍檔專訪】對林淑敏真情剖白 許家傑:一開始係有hard feeling

撰文:
最後更新日期:

著名散文家席慕蓉有過一句金句:「前世的五百次回眸,換得今生的一次擦肩而過。」相遇,是一種幸運,也是一種緣份,有多少人一生到白頭未曾碰面,繁人似海,數之不盡的邂逅,能夠把握的又有多少?許家傑和林淑敏,年齡相隔一個七年,成長分開兩地,卻因為演戲讓他們遇上了,比起情侶,比起閨蜜,他們有一種更緊密的關係-拍檔。

送水輝大小姐,這兩個名字在一年前突然橫空出世,一年後已經在TVB《萬千星輝頒獎典禮2018》被提名為「最受歡迎電視拍檔」,相信最近的日子,兩人被問得最多的問題一定是:「你有乜感覺?」許家傑一如既往,想起的都是身邊那一個:「提名係一種肯定,肯定咗你呢個拍擋,多謝!」

或者,最終能否獲獎,對他們兩個來說根本不重要,更令他們在意的是,劇集受歡迎才是重點。(梁碧玲攝)

一年的時間,雖然《愛.回家之開心速遞》並不是集集都有他們的戲份,不過見面的日子絕對不少,見得多自然默契建立起來,看著他們一人一句,心裡由衷感到舒服,演員身份放下,沒有造作,沒有虛偽。劇中是情侶,工作是同事,現實是拍檔。回想第一次實在青澀,相信每個人第一次總是難忘,許家傑說:「嗰時大家都唔熟,因為第一次合作,到有一次拍你飲醉酒,佢要騎我膊馬,好尷尬咁同我講唔好意思,仲話可以借位,我話唔使喇,我又大隻大家都知喇哈哈。好感激呢個對手,佢任勞任怨,佢有咩要求諗法都會盡量配合。」

如果許家傑是熱情如火,林淑敏則是典型的慢熱,她說:「第一次講我喺公司門口見到佢,佢遮我過對面馬路,我直情係做唔到,因為我都唔識呢個人,我剩係望住佢就行喇。導演話唔得唔得,要演到個愛意,俾佢電親,真係唔得!做咗幾個勉強收貨。其中一個camman識咗好耐,好熟㗎喇,佢叫我當佢係送水輝咁行一次,同佢拍就有喎哈哈,我就捉住個感覺拍多次。」

如果第一次是用生硬來形容,現在的許家傑和林淑敏,已經可以輕易入戲。(梁碧玲攝)

第一次,第二次,到無限次,相處合作無間斷,短短一年,兩人由無到有,由有到深刻,而回憶這回事,往往會將最深刻的放在你心深處,許家傑表示:「我最難忘係《初戀最終回》,大家睇係半集嘅嘢,但我哋足足拍咗十日。林淑敏要跑街向《天若有情》致敬,(林:跑咗三日,出咗三分鐘)我就揸電單車揸咗兩日。呢啲出街得幾分鐘,但我哋每一次都好認真去做,有一個shot好短,得三秒,係講由天台等到夜晚,我係拍咗五個鐘。」

他們兩人有自己的回憶,若果你問觀眾,對送水輝大小姐有何回憶,相信大部份人會想起:「送水輝咪送水,大小姐咪鬧人囉!」不過對於林淑敏,鬧人是有的:「 經常,通常都係送水輝鬧我,有一集講我要跳舞,我俾佢鬧到成隻狗咁,我跳得唔叻,拉丁又係佢專長。我真係好感激佢,佢嗰日唔使開工,都專登嚟教我同世豪,用咗好多時間,我哋兩個仲喺度吖吱吖喲。佢突然好嚴肅咁講:『聽我講』,我同世豪即刻企咗喺度,唔出聲聽佢講,我覺得有一個有要求嘅對手係會令對方進步。兩個人拍檔,邊個有信心就應該邊個行先,有時我有信心都會好直接講,可能語氣會唔係咁好,但大家都為件事好。默契就係咁,我語氣咁差,你都聽我講。」

 

這時許家傑深深吸了一口氣:「其實一開始真係有啲hard feeling,我覺得係咁做嘛,一開始無咁熟,同埋我覺得相處模式唔一樣,大家客客氣氣。到而家,直情係互毆。」

接觸、認識、了解,默契就是這樣形成。(梁碧玲攝)

要做一對拍檔,不難;要做一對有默契的拍檔,難!但未至於好難;要做一對能夠互毆的拍檔,超難!難於放下自己。他們兩個不介意在對方面前有話直說,打從心底為大家好,亦因如此,成功在觀眾面前展露出一對人氣極高的「電視拍檔」,即使有獎無獎,老土說話又再講,觀眾對他們的肯定已經是最大獎項。

他們或者不介意獎項,不過一班粉絲卻不想他們失落任何一個獎項。(梁碧玲說)

唔好走住!下圖仲有彩蛋,林淑敏頂唔順許家傑話佢麻煩!

鳴謝

許家傑服裝:Tommy Bahama 

場地提供:PenthouseParty



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。