馬浚偉萬千星輝無份入圍 獲頒民選視帝感興奮:無人可以超越我

撰文:
最後更新日期:

12月16日晚就係TVB萬千星輝頒獎典禮舉行嘅日子,理論上今年播出嘅劇集以及戲中演員,個個都有份角逐獎項,但實際上當然就有例外啦。好似馬浚偉喺《宮心計2深宮計》中明顯係男主角,但最終憑此劇入圍角逐視帝嘅,只有馬國明蕭正楠,有指因為馬仔正為香港開電視監製及主持節目有關。

馬浚偉及製作團隊呢日舉行「同理做冬過聖誕」派對,為一眾受訪者送上溫暖。

塞翁失馬,焉知非福,呢日馬浚偉出席《同理‧繼續走》宣傳活動時,獲頒民選視帝,令佢喜上眉梢。冬至及聖誕將至,馬浚偉特別為一眾受訪者送上溫暖,舉行「同理做冬過聖誕」派對。香港開電視更首度向馬浚偉頒發民選視帝及最佳義工兩大奬項,嘉許其演技實力及以善待人的精神,可謂前無古人。得到兩大奬項成為「雙料視帝」,馬浚偉表示自己一向將奬項睇得好輕,但從呢兩個別具意義嘅奬項中,感受大家對自己的愛錫,非常感恩。更笑言自己係首位得獎者,以後都無人可以超越自己。

馬浚偉獲頒民選視帝及最佳義工奬項。

節目由馬浚偉親自構思、監製及主持,馬浚偉親身走訪香港各社區,接觸及關懷區內弱勢社群,通過各個溫暖、窩心故事,喚醒社會關注,為香港人打氣,發放正能量。馬仔表示普天同慶的日子要與眾同樂,希望讓受訪者在節日中更能感受大愛精神,面對任何逆境並不孤單,為香港人送上最溫暖的祝福。

除咗得獎感到高興,馬仔話更開心嘅係做到心目中想做嘅節目,向香港人發放正能量。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。